រដ្ឋមន្រ្តី​៖ ​អ្នកប្រកបរបរសេដ្ឋកិច្ចក្រៅប្រព័ន្ធដែលបាន​​ចុះឈ្មោះតាមថ្នាល នឹងទទួលការធានា... скачать в хорошем качестве

រដ្ឋមន្រ្តី​៖ ​អ្នកប្រកបរបរសេដ្ឋកិច្ចក្រៅប្រព័ន្ធដែលបាន​​ចុះឈ្មោះតាមថ្នាល នឹងទទួលការធានា...

រដ្ឋមន្រ្តី​៖ ​អ្នកប្រកបរបរសេដ្ឋកិច្ចក្រៅប្រព័ន្ធដែលបាន​​ចុះឈ្មោះតាមថ្នាល នឹងទទួលការធានារ៉ាប់រងអាយុជីវិត សម្រាប់គ្រោះថ្នាក់ដោយមិនតម្រូវឱ្យ​ទិញធានារ៉ាប់រង និងបណ្ណជំនួយថវិកាពីមជ្ឈមណ្ឌលបណ្តុះធុរកិច្ចថ្មី (Video inside) (ភ្នំពេញ)៖ លោក ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ បានប្រាប់ពីអត្ថប្រយោជន៍ថ្មី ​​ដល់អ្នកប្រកបរបរសេដ្ឋកិច្ចក្រៅប្រព័ន្ធដែលចុះបញ្ជីតាមថ្នាល​ចុះឈ្មោះអ្នកសេដ្ឋកិច្ចក្រៅប្រព័ន្ធ ដោយ​ពួកគេនឹងទទួលបាន ការធានារ៉ាប់រងអាយុជីវិតសម្រាប់គ្រោះថ្នាក់​ ទទួលបានបណ្ណជំនួយថវិកា ​ចំនួន១លានរៀលពីមជ្ឈមណ្ឌលបណ្តុះធុរកិច្ចថ្មី រួមនឹងកញ្ចប់អត្ថប្រយោជន៍​ពីមូលនិធិអភិវឌ្ឍន៍ជំនាញ។ ថ្លែងក្នុងយុទ្ធនាការផ្សព្វផ្សាយ និងជំរុញការចុះឈ្មោះអ្នកសេដ្ឋកិច្ចក្រៅប្រព័ន្ធ ដែលបានរៀបចំឡើងនៅខេត្តតាកែវ ដោយមានអ្នកសេដ្ឋកិច្ចក្រៅប្រព័ន្ធចូលរួមប្រមាណ ៣ពាន់នាក់ ​នាថ្ងៃទី១៥ ខែវិច្ឆិកា ឆ្នាំ២០២៥ លោករដ្ឋមន្ត្រី ហែម វណ្ណឌី ប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានលើកឡើងថា បន្ថែមពីលើអត្ថប្រយោជន៍៩ចំណុច ដែលអ្នកប្រកបរបរសេដ្ឋកិច្ចក្រៅប្រព័ន្ធ​ទទួលបាន ​ក្រសួងបានរៀបចំផ្តល់អត្ថប្រយោជន៍ថ្មីៗ​បន្ថែមទៀតជូនអ្នកសេដ្ឋកិច្ចក្រៅប្រព័ន្ធដែលបានចុះឈ្មោះ ដូចជាការទទួលបានធានារ៉ាប់រងអាយុជីវិតសម្រាប់គ្រោះថ្នាក់បុគ្គល​ ពីក្រុមហ៊ុន Manulife​ ក្នុងករណីដែលទទួលរងរបួសដល់ពិការ និងបាត់បង់ជីវិត ចំនួន១លានរៀល ដោយពួកគេមិនចាំបាច់ត្រូវបង់ប្រាក់ ឬទិញធានារ៉ាប់រងឡើយ។ លោកលើកឡើងថា នេះជាការគិតគូរមួយរបស់រដ្ឋាភិបាល និងវិស័យឯកជន ដោយសារអ្នកប្រកបរបរអ្នកសេដ្ឋកិច្ចក្រៅប្រព័ន្ធ គឺជាក្រុមដែលងាយរងគ្រោះថ្នាក់ផ្សេងៗ។ តែយ៉ាងណា ការធានារ៉ាប់រងអាយុជីវិតសម្រាប់គ្រោះថ្នាក់បុគ្គលនេះ នឹងទទួលបានត្រឹមឆ្នាំ២០២៦។​ លោកបន្ថែមថា លើសពីនេះ អ្នកប្រកបរបរសេដ្ឋកិច្ចក្រៅប្រព័ន្ធដែលបាន​​ចុះឈ្មោះ នឹងទទួលបណ្ណជំនួយថវិកា (Grant Voucher) ចំនួន១លានរៀលពីមជ្ឈមណ្ឌលបណ្តុះធុរកិច្ចថ្មី «តេជោ »សម្រាប់សហគ្រាសធុនមីក្រូចាប់យកដំណោះស្រាយ ការបណ្តុះបណ្តាល និងការប្រឹក្សាផ្នែកឌីជីថលសម្រាប់អាជីវកម្ម។ បន្ថែមពីនេះ មូលនិធិអភិវឌ្ឍន៍ជំនាញក៏កំពុងរៀបចំកញ្ចប់អត្ថប្រយោជន៍សម្រាប់អ្នកសេដ្ឋកិច្ចក្រៅប្រព័ន្ធ ដែលនឹងត្រូវប្រកាសនៅពេលខាងមុខផងដែរ។ សូមជម្រាបថា គិតត្រឹមថ្ងៃ១៤ ខែវិច្ឆិកា ឆ្នាំ២០២៥ ថ្នាលចុះឈ្មោះអ្នកសេដ្ឋកិច្ចក្រៅប្រព័ន្ធបានទទួលសំណើចុះឈ្មោះចំនួន ២២០.៦៧៧។ រាជធានីភ្នំពេញ ស្ថិតនៅលេខរៀងទី១ដែលមានអ្នកចុះឈ្មោះច្រើនជាងគេ បន្ទាប់មក ខេត្តកណ្តាល ​ខេត្តកំពង់ចាម និងខេត្តតាកែវស្ថិតនៅលេខរៀងទី៤ ​ដែលមានការស្នើសុំចុះឈ្មោះចំនួនជាង ១៥.៤៦៦ សំណើ៕ សូមស្តាប់ការពន្យល់លម្អិតរបស់ លោករដ្ឋមន្ត្រី ហែម វណ្ណឌី៖