திருப்பதி பெருமாள் சிறப்புப் பாடல் 🕉 Tirupati Perumal Special Song! скачать в хорошем качестве

திருப்பதி பெருமாள் சிறப்புப் பாடல் 🕉 Tirupati Perumal Special Song!

திருமலை திருப்பதி (tirumala tirupati) ஏழுமலையான் திருக்கோவில் இந்திய அளவில் மட்டுமின்றி உலகத்திலேயே அதிக வருமானம் பெறும் இந்து கோவிலாகவும், வருடம் முழுவதும் அதிகமான பக்தர்கள் வந்து செல்லும் கோவிலாகவும் உள்ளது. பல அதிசயங்களையும், அற்புதங்களையும், அபூர்வ சக்திகளையும் உள்ளடக்கியது திருமலை. இந்த மலையே சந்திரகல்லால் ஆனது என சொல்லப்படுகிறது. அதனால் தான் இங்கு அதிகமானவர்கள் ஈர்க்கப்பட்டு வருவதாக சொல்லப்படுகிறது. திருமலை, சந்திரன் மற்றும் குபேரனின் ஆதிக்கம் நிறைந்த இடமாகும். சந்திரனுக்குரிய தெய்வமாக விளங்குபவர் திருமால். அதனால் திருமலை திருப்பதி சந்திர பரிகார தலமாக உள்ளது. இங்கு சுக்கிரன் மற்றும் குபேரனின் ஆதிக்கம் நிறைந்திருப்பதாலேயே திருமலையில் உண்டியலில் பணம் கோடிக் கணக்கில் கொட்டுவதாக சொல்லப்படுகிறது. உலகின் பணக்கார கடவுளாக இருக்கும் திருப்பதி வெங்கடேஷ பெருமாள் ஏராளமானவர்களுக்கு குலதெய்வமாக இருந்து வருகிறார். கலியுகத்தில் கேட்டதை தரும், பக்தர்களின் துயரங்களை போக்கும் கண் கண்ட தெய்வமாக இருப்பவர் திருப்பதி ஏழுமலையான். இவரை காண தினமும் லட்சக்கணக்கான பக்தர்கள், எத்தனை குளிர், மழை, கூட்ட நெரிசல் இருந்தாலும் பல மணி நேரம் காத்திருந்து சுவாமி தரிசனம் செய்து வருகின்றனர்.