قصيدة ((احساس المطر)) من برنامج سهرة من ابها _ اذاعة الرياض скачать в хорошем качестве

قصيدة ((احساس المطر)) من برنامج سهرة من ابها _ اذاعة الرياض

الصيف لاح و بارقه كلّ ما لاح زاد العطش بصدور متعشّمينه كم للجفاف وكم لنا نرجي شحاح كلّ الفصول مصيّفة مستشينة يالله بنوٍ يروي اوطان و ارواح نوٍ ينسّي كل مجدب سنينه غيمه ترزّم حول كامل و لا طاح كنّه يواعد مسرية بالخزينة اوفى بليلة قيظها بالخبر باح من ظهر و الجوّ المكتّم يبينه وباخر عصيرٍ فيه للطّير مرواح ريحه من المشرق تذعذع حزينة وقبل العشا برقه من الحزّ قدّاح دويّ رعده دوب تونس حنينه يقرب شوي شوي والهم ينزاح تباشري يالعثّري بالمعينة كنّ السّما من شوقها تحضن بطاح والارض فيها للتّلاقي سكينة غابر ثراها عنبره للمطر فاح للمسريات ارماح تخرج كنينه الوابل اللّي حنّته تشبه الحاح دعوات من للحاجة مأملينه نايف ((مسلّم)) يختفي تحسبه ساح لولا لمع تحت الكواشف جبينه وفي ((شسع)) يمسي ملعب السّيل ((ردّاح)) يخثر منامٍ كم حلم في دنينه والصّبح لاشرق كنّ ماقبله اصباح نسايمه هبّت كأنها سجينة والطير عاد لغصنه ينفّض جناح وصوته يجاوب للسواقي ونينه يا مشهد اللّمة على جال سبّاح خرير غيله سلطنوا سامعينه اللي ينادي من ورى الغيل سرّاح يخبّر بعلم المطر خابرينه واللي ذكر لصباه واوقاتٍ ملاح زود انتعاشه ينعش مجالسينه الله ياجوٍّ لجوّ المطر راح وين المطر واحساسنا ذاك وينه يالله تعيد الغيث وتعيد الافراح وتعيد ذيك الذّكريات الثّمينة عيش البساطة لا مجادل ولا صياح لا همّ لا سيرة بشر لا ضغينة وين اختفى ((الولّاش )) لا بارقٍ لاح ماعاد كن به ناس متعشمينه محبوب فهيد