EP02 ប្រវត្តិចែកាច់មាន២ប្រភេទ скачать в хорошем качестве

EP02 ប្រវត្តិចែកាច់មាន២ប្រភេទ

#ចែកាច់មាន២ប្រភេទ #ប្រវត្តិខ្នាយតាន់ ពាក្យថាខ្នាយតាន់គឺជាចង្កូមជ្រូកព្រៃឈ្មោល ដែលតាន់តាំងពីចុងដល់គល់ ជាប្រភេទជ្រូកស្លាប់ដោយភាពចាស់ជរា បុរាណខ្មែរតែងហៅថាជារបស់តាយសាក ទើបវាពូកែស័ក្តិសិទ្ធិមានរឹទ្ធានុភាព ការពារឃុំគ្រងអ្នកដែលគោរពបូជា មានកាប់មិនមុតដុតមិនឆេះបាញ់មិនផ្ទុះរឺមិនត្រូវអ្នកដែលមានវត្ថុសក្តិសិទ្ធិនោះឡើយ។ តទៅនេះមកអធិប្បាយអំពីចែកាច់ម្តងតាមពាក្យសន្យាដែលធ្លាប់សន្យាជាមួយពុកម៉ែបងប្អូន ពាក្យថាចែកាច់នេះមាន២ប្រភេទតាមជំនឿពីបុរម្យបុរាណដូនតាខ្មែរយើងទីមួយ គឺនៅពេលដែលស្តេចជ្រូកព្រៃឈ្មោលដែលមានចង្កូមតាន់ពីចុងដល់គល់ ពេលដែលដឹងថានៅក្នុងចំណោមកូនហ្វូងរបស់ខ្លួនកើតមកមានលក្ខណៈត្រូវទៅតាមក្បួនតម្រាជាមេហ្វូងតទៅថ្ងៃអនាគត ហើយវាក៏ដឹងដែរថាថ្ងៃអន្សារបស់វាក៏ជិតចូលមកដល់ដែរ ស្តេចជ្រូកព្រៃនោះនឹងកាច់ចង្កូមរបស់ខ្លួននៅនឹងដើមឈើមានរុក្ខទេវតាមើលថែ បើកាច់នៅនឹងដំបូកមានព្រាយក្បាល៨ ជាអ្នកថែរក្សា បើកាច់ទុកនឹងថ្មដាមានភូមិទេវតាថែរក្សា បើស្តេចជ្រូកព្រៃនោះទៅកាច់ទុកនៅបាតបឹងមានអារក្សទឹកជាអ្នកថែរក្សា លោកឲ្យឈ្មោះថាជា(ចែកាច់)ដែលកើតចេញពីចង្កូមស្តេចជ្រូកព្រៃកាច់ផ្ញើទុកនៅនឹងវិញ្ញាណអមនុស្សដែលថែរក្សានៅក្នុងកន្លែងនោះៗ។ ទីពីរ ភ្លុកដំរីចុះប្រេង រឺភ្លុកដំរីដែលប្រយុទ្ធតស៊ូគ្នាហើយជ្រុលទៅបុកទៅបុកនឹងដើមឈើបាក់ជាប់នឹងដើមឈើ ក៏លោកឲ្យឈ្មោះថាជាចែកាច់ដែរ។ ចែកាច់ទាំងពីរប្រភេទនោះបើកបុកជាប់នឹងគល់ឈើណា មិនយូរប៉ុន្មានដើមឈើនោះនឹងងាប់លោកមានជំនឿថាពូកែវិសេសវិសាលណាស់ហោង។ បើបុគ្គលណាមាននិស្ស័យបានជួបហើយ លោកឲ្យធ្វើពិធីឧបកិច្ចអញ្ជើញរបស់មកនៅជាមួយយើង ។ ចង់ពិសោធន៍ថាវត្ថុនោះស័ក្តិសិទ្ធិរឺអត់ លោកឲ្យធ្វើដូច្នេះ ឲ្យធ្វើការពិសោធជាមួយនឹងដើមចេក ដំបូងអុជធូប៧សរសៃ រួចអធិដ្ឋានថា បើចែកាច់នេះមានតេជៈរឹទ្ធានុភាពពូកែស័ក្តិសិទ្ធិមមែន សូមឲ្យដើមចេកដែលខ្ញុំកាប់ទៅ កុំឲ្យបណ្តូលរបស់វាលូតលាស់ឡើងជាដាច់ខាត ហើយកាប់ដើមចេកឲ្យដាច់ពីដើម យកចែកាច់នោះមកដាក់លើបណ្តូលចេករង់ចាំអស់ធូប បើរបស់នោះស័ក្តិសិទ្ធិមែនបណ្តូលចេកនឹងមិនលូតលាស់ឡើយសូម្បីតែមួយលី។ របស់ធ្វើសក្ការៈបូជាមាន ដាក់ក្នុងត្រឡាប់បាញ់ទឹកអប់លាបប្រេងម្សៅ សែនឬសឈើ មើមឈើ មើមប្រទាល អ្វីដែលខ្វះមិនបានគឺទឹកធម្មតា។ ចំណុចគួរបដិបត្តិតវត្ថុស័ក្តិសិទ្ធិក្តីអ្នករៀនមន្តវិជ្ជាគាថាមន្តអាគមន៍ក្តីត្រូវរស់នៅប្រកបទៅដោយសច្ចៈធម៌មានមេត្ដាសន្តោសប្រោសប្រណី ដល់មនុស្សនិងសព្វសត្វ ។ ចំណុចខហាម មិនគួរនាំចូលកន្លែងស្មោគគ្រោកបន្ទប់ទឹករួមប្រុសស្រី បើបន្ទប់ទឹកប្រុសលោកថាមិនថ្វីទេ ហាមយកទឹកខ្មេះ ទឹកក្រូចឆ្មាជូតវត្ថុនោះជាដាច់ខាត អាចនឹងថយគុណភាពរឺសាបតែម្តង ហាមពិសោធន៍ដោយដាក់ទៅនឹងមនុស្សរឺសត្វហើយធ្វើការបាញ់ នេះជាការប្រមាថមើលងាយដល់វិញ្ញាណុំអមនុស្សដែលថែរក្សារបស់នោះ អាចនឹងលែងមកនៅថៃរក្សាយើង រឺ អាចនឹងមានគ្រោះថ្នាក់ដល់ខ្លួន ព្រោះការពិសោធន៍បែបនេះជាការអំនួតប្រមាថមើលងាយហើយក៏ជាការពិសោធន៍ដើម្បីស្វែងរកលាភសក្ការៈ ដោយភាពលោភលន់