Umurage (+lyrics) - Sipiriyani Rugamba & Amasimbi n'Amakombe - Rwanda скачать в хорошем качестве

Umurage (+lyrics) - Sipiriyani Rugamba & Amasimbi n'Amakombe - Rwanda

Nimubona nshaje Muramenyere abana Ntibazagire icyo babura Mubareke batete; Ntabwo nabatoje inkoni icyaha. Kandi ga muramenye Cyane ga uriya, usa na se cyane. Nta mvune, nta nduru icyura, Icyura umucyo mu bana. Nta nkoni ikiza Ahubwo ivuna igufa, Muramenye ntihazagire urira, Ntihazagire urira, Cyane uriya w'uruhanga Rwibutsa urwa nyina wamubyaye. Muramenyere abana, Mubarinde imvura, Mubarinde n'izuba ribi ry'ihangu. Ntihazagire urizira, Ntihazagire unyagirwa, Cyane cyane uriya Unyibutsa data wambyaye. Ntihazagire ukena, Ntihazagire utaka Ntihazagire uhogora, Ntihazagire ugire agahinda, Cyane cyane ga Mukarinde uriya useka, Uw'inseko isa n'iya mama wambyaye. Ntihazagire ubavuga, Umwanzi naza, aza yatanya, Aza atuganya, Murakinge ingabo y'umurera, Maze amacumu yose Mubambe mu rubega, Mumucyahe. Ejo atakura Ejo atakura uriya utwarira imoso, N'uriya utwarira iburyo, Bose ni abo nabyaye ndabazi. Uzabavuga ngo arabanga Ntakarame, simuvumye nshiriye inyeli Ntazarize ureba umurali Ntazarize useka agateta, Ntazakure n'uriya n'uwinyinya, Ntazice inzobe cyangwa igikara. Ntazahogoze uwababyaye, Mubarinde imvune n'amavunane, Ntibagacogore. Muramenyere abana, Ejo ntirizatere mu gicuku, Maze ngo bacuragane Basaba amata nabatoje, Ubute bukaza kubatera Kuyabima mwisinzirira, Kandi umurage nabasigiye Ubabwiriza kwita ku bana. Ntibagacogore. (Umurage ~ Cyprien Rugamba & Ballet Amasimbi n'Amakombe, 1981, Rwanda)