𝙱𝚊𝚝 𝙼𝚒 𝙻𝚊𝚖𝚊𝚗 𝙽𝚊 𝙰𝚑𝚔𝚢𝚊𝚔 𝙰𝚒 𝚂𝚑𝚒𝚐𝚊 (ကချင်အစီအစဉ်ဖြစ်ပါတယ်) скачать в хорошем качестве

𝙱𝚊𝚝 𝙼𝚒 𝙻𝚊𝚖𝚊𝚗 𝙽𝚊 𝙰𝚑𝚔𝚢𝚊𝚔 𝙰𝚒 𝚂𝚑𝚒𝚐𝚊 (ကချင်အစီအစဉ်ဖြစ်ပါတယ်)

▪︎ 𝙱𝚊𝚝 𝙼𝚒 𝙻𝚊𝚖𝚊𝚗 𝙽𝚊 𝙰𝚑𝚔𝚢𝚊𝚔 𝙰𝚒 𝚂𝚑𝚒𝚐𝚊 (ကချင်အစီအစဉ်ဖြစ်ပါတယ်) 𝗠𝘆𝗲𝗻 𝗛𝗽𝘆𝗲𝗻 𝗚𝘂𝗺𝘀𝗵𝗲𝗺 𝗞𝗼𝗺𝗶𝘀𝗵𝗶𝗻 𝗚𝗮𝘄 𝗠𝘂𝗻𝗴𝘀𝗵𝗮𝘄𝗮 𝗡𝗶 𝗡𝗴𝗮 𝗔𝗶 𝗠𝗮𝗿𝗲 𝗕𝘂𝗴𝗮 𝗡𝗶 𝗛𝗽𝗲 𝗡𝗯𝘂𝗻𝗴𝗹𝗶 𝗛𝘁𝗲 𝗕𝗮𝘄𝗺 𝗝𝗮𝗵𝗸𝗿𝗮𝘁 𝗚𝗮𝘀𝗮𝘁 𝗔𝗶 𝗠𝗮𝗷𝗮𝘄 𝗠𝘂𝗻𝗴𝗺𝗮𝘀𝗵𝗮 𝗛𝗸𝗮𝗹𝗮 𝗦𝗶 𝗛𝗸𝗿𝘂𝗺 𝗔𝗶 𝗡𝗶 𝗟𝗮𝘄 𝗡𝗴𝗮 𝗕𝗮𝘁 𝗦𝗵𝗮𝗴𝘂 𝗟𝗮𝗺𝗮𝗻𝗴. 𝗕𝘆 𝗞𝗪 (𝗡𝗮𝘄 𝗔𝘄𝗻). 𝟰 𝗢𝗰𝘁𝗼𝗯𝗲𝗿 𝟮𝟬𝟮𝟱 Jinghpaw mung, Sadung mare hte Sam mung, Namtu muklum hta Myen hpyen komishin kawn nbungli bawm hte gap bun ai majaw, mungmasha n law htum marai (15) si nna, masha law law hkala hkrum ai lam, buga shigindai ni kaw na chye lu ai. Lai mat wa sai September 29 ya hta, Jinghpaw mung, Wai Maw ginwangdaw, Sadung mare gat hpe gumshem hpyen dap gaw, nbungli hte gap bun ai majaw, mungmasha marai 11 si hkrum ai lam, Wunpawng Mungdan Shanglawt Asuya shiga dap shapoi tawn da ai re. Si hkrum ai ni hta asak 10 ning npu ma lahkawng lawm nna, gat-seng hte nta (20) jan mung htenza mat ai hte, hkala sawng ai marai 6 gaw tsi rung kaw tsi tsi hkam la nga ai lam chye lu ai. October 2 ya jahpawt hta mung, Sam mung, Namtu muklum kata kaw, Myen gumshem hpyen dap komishin gaw, pawng (500) nbungli bawm jahkrat bun ai majaw, num marai 3 hte la marai langai asak si sum mat ai lam chye lu ai re. Ginra shigindai marai langai gaw, “Si ai ni hta asak 70 ning grup-yin re ai dingla langai mung lawm ai. Shi nta kata kaw dung lahkum hta dung let si mat ai hpe mu hkrup ai.”nga nna tsun ai re. Dai nbungli bawm a majaw dum nta 5 yawng htenza mat nna, kaga dum nta ni mung daw chyen htenza mat ai lam chye lu ai. Sadung mare gaw Wunpawng Mungdan Shanglawt Asuya shalawt da lu ai, uphkang ginra rai nna, majan byin ai lam n nga ai mare rai nga ai. Sam mung na Namtu muklum hpe gaw PSLF/TNLA Balawng rawt malan hpung ni madung uphkang nga ai muklum rai nga ai. Myen gumshem hpyen komishin gaw, Jinghpaw mung hta Wunpawng Mungdan Shanglawt Hpyen Dap (KIA) jinghku pawnghpawm hpung ni hte gasat gala majan matut manoi byin nga ai rai nna, Sam mung dingdung daw de mung, TNLA uphkang nga ai ginra ni hpe htim gasat nga ai re. Ndai bat laman hta sha gumshem hpyen komishin gaw Kyaukme muklum hpe bai zing madu la kau sai re. === 𝗠𝘆𝗶𝘁𝗸𝘆𝗶𝗻𝗮 𝗠𝘂𝗸𝗹𝘂𝗺 𝗛𝘁𝗮 𝗧𝗮𝗿𝗮𝗵𝗸𝗮𝗺 𝗡 𝗟𝘂 𝗥𝗶𝗺 𝗔𝗶 𝗠𝗮𝘀𝗵𝗮 𝗦𝗮𝘁 𝗛𝗸𝗿𝘂𝗺 𝗔𝗶 𝗠𝗮𝗻𝗴𝗵𝗸𝗮𝗻𝗴 𝗡𝗶 𝗛𝘁𝗲 𝗚𝘂𝗺𝘀𝗵𝗲𝗺 𝗛𝗽𝘆𝗲𝗻 𝗞𝗼𝗺𝗶𝘀𝗵𝗶𝗻 𝗔 𝗠𝘂𝗸𝗹𝘂𝗺 𝗕𝗮𝗹𝗶𝗸 𝗡𝗶 𝗝𝗮𝗵𝗸𝗿𝗶𝘁 𝗦𝗵𝗮𝗺𝗮 𝗚𝘂𝗺𝗵𝗽𝗿𝗮𝘄 𝗛𝗽𝘆𝗶 𝗦𝗵𝗮 𝗔𝗶 𝗟𝗮𝗺 𝗡𝗶 𝗕𝘆𝗶𝗻 𝗡𝗴𝗮 𝗕𝗮𝘁 𝗦𝗵𝗮𝗴𝘂 𝗟𝗮𝗺𝗮𝗻𝗴. 𝗕𝘆 𝗞𝗪 (𝗡𝗮𝘄 𝗔𝘄𝗻). 𝟰 𝗢𝗰𝘁𝗼𝗯𝗲𝗿 𝟮𝟬𝟮𝟱 Jinghpaw mung Myitkyina muklum hta ndai laman, Myen gumshem hpyen dap komishin a muklum shimlam la ai balik ni gaw, jahkrit shama gumhpraw hpyi sha ai lam hte, tarahkam masha n lu rim ai, masha sat si hkrum ai manghkang ni mung, grai law wa ai lam Myitkyina ginra masha ni tsun ai re. September 26 ya shana hta, Myitkyina muklum, Dapkawng lawk kaw shana laika sharin ya ai kaw na nta wa ai lam kaw, saranum langai gaw hpyen komishin balik ni e san jep da ai hkrum nna, jahkrit shama gumhpraw hpyi sha ai lam hpe katut sha ai, nga nna chye lu ai re. Tsa lu da ai gumshem balik langai gaw san jep jahkrit nna, nang shinggan jawng kaw na saranum she re majaw, mungchyingmasat madun yu ngu madun shangun ai hte, dam gayat ai ngu nna gumhpraw mung jahkrit hpyi la ai nga nna, Myitkyina na shigindai marai langai tsun ai re. Dai hpang, September shata 28 ya shana mung, Myitkyina muklum, Njang Kawng Lawk na Su Tong Pyi hpara sa lam hta, num langai hpe du kaw nhtu hte galun anyaw sat kau da ai mabyin mung byin lai wa sai re. Shigindai marai langai tsun ai hta, si mat ai num hte shi hpe sat kau da ai wa yan gaw, shada ga law hkat ai nsen hpe na lu ai majaw, shan lahkawng tsumtsaw mi rai kun nga nna, tak tsun u ai re. Si mat ai num jan gaw, na npu du hte shakap kaw nhtu nhkyi hte galun katut ai ningma ni a majaw si mat ai rai nna, kaga kata lam shiga ni hpe gaw n chye lu ai re. Myen gumshem hpyen dap mungdan daru magam zing kau ai hpang, Myitkyina muklum hta lagut lagu, damya hkrum ai hte sat hkrum ai mabyin ni grau law wa ai zawn, gumshem hpyen komishin balik hte hpyen la ni nan mung, jahkrit shama gumhpraw hpyi sha ai lam grau law wa ai majaw, mungmasha ni shimlum lam n nga nga ai lam tsun nga ma ai re. Matut Hti Na Link:   / 17enn8nwn7