Tv Klan - Tre vrasje me thikë скачать в хорошем качестве

Tv Klan - Tre vrasje me thikë

Tre persona janë vrarë me thikë këtë të martë në Tiranë, Durrës dhe Berat. Në kryeqytet, një konflikt për motive të dobëta mes një picieri dhe një kuzhinieri të një lokali në zonën e Komunës së Parisit, i ka kushtuar jetën këtij të fundit. Indrit Ismaillari, 34-vjeç, fillimisht mbeti i plagosur nga goditja me thikë e kolegut të tij, F.SH., por ndërroi jetë në spital si pasojë e plagëve të marra. Ndërsa këto janë pamjet kur policia vendos në pranga autorin, 41-vjeç. Krahas tij, uniformat blu shoqëruan disa persona për të zbardhur dinamikën e plotë të vrasjes. Nga sa mësohet, autori i ka dëshmuar hetuesve se viktima prej kohësh e shante dhe bullizonte. Për motive banale nisi edhe konflikti në Berat. 63-vjeçari K.M., goditi për vdekje me thikë 42-vjeçarin Keli Hoxha. Viktima, së bashku me dy fëmijët e tij dhe bashkëshorten, kishin shkuar në Berat si vizitorë. Në momentin që 42-vjeçari ka dashur t'i bëjë një foto vajzës së tij me kalin e autorit, ky i fundit nuk ka pranuar. Fillimisht janë konfliktuar me fjalë, e më pas gjithçka ka përshkallëzuar deri në përdorimin e thikës nga 63-vjeçari. Pas vrasjes, 63-vjeçari u largua nga vendngjarja, por u kap disa orë më pas nga policia, teksa qëndronte i fshehur në një shpellë. Ndërkohë, në Durrës, 25-vjeçari M.K vrau me thikë babain e tij 69-vjeçar, Pjetrin. Viktima u qëllua disa herë në banesë nga i biri, që dyshohet se vuan nga probleme të shëndetit mendor. I riu u arratis pas vrasjes, për t’u vënë në pranga rreth 2 orë më vonë në zonën e plazhit. Krahas arrestimit, uniformat blu gjetën dhe sekuestruan thikën e përdorur prej 25-vjeçarit. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/