අවාරේ කුරුවිට එරත්න අඩවිකන්ද හරහා සිරිපා කරුණා කර රජ මාවතින් පලාබද්දලට| Off season sripadaya скачать в хорошем качестве

අවාරේ කුරුවිට එරත්න අඩවිකන්ද හරහා සිරිපා කරුණා කර රජ මාවතින් පලාබද්දලට| Off season sripadaya

අවාරේ සිරිපාදේ 'අපේ කතාව,🙏🙏 කවදාවත් එකිනෙකාට මුණගැහිලා නැති,පරිසරය විඳින්න ආස,පරිසරයට ආදරේ හදවත් පහක් ගිය ලස්සන චාරිකාවක්.❤️ මේ ගමන අපි යන්න plan කරේ කුරුවිට Supun Maduwantha අයියගේ ගෙදරින්.මමයි , Heshan Imanka අයියයි දෙන්නා ඉංගිරියෙනුත්, Rasika Nilanga අයියා සහ Pasindu මල්ලී මිද්දෙනියෙනුත් ගමනට එකතු වුණා.කට්ටියම උදේ 5.30 වෙනකොට කුරුවිට නගරයට එකතු වුණා.එතනින් සුපුන් අයියගේ ගෙදරට ගිහින් බයික් දාලා කුරුවිට ටවුන් එකට ආවා.කුරුවිටින් හයට පිටත්වන අඩවිකන්ද කන්ද බස් රථයට නැග්ගා.යන අතරමගින් කලින් ඕඩර් කරපු කෑමත් අරගෙන අඩවිකන්දට ගියා. එතනින් පරණ පාරේ අපි වර්ණගල දක්වා ගියා. වැහැලා තිබ්බ නිසා කූඩැල්ලනම් ඇතිවෙන්න හිටියා.එහෙමතැනම දිය පාරවල් සහ දිය ඇලි නිර්මාණය වෙලා තිබ්බා.ඒක නං මාරම ලස්සනයි.යන පාරත් කැලෑව හොඳටම වැවිලා.පරිසරය විඳින්න ඒකනම් කියාපුම කාලයක්.💚💚 අපි ඒ විදිහට ඉස්සරහට ගියා .ඩයමන්ගල අම්බලමේ උදේ ආහාරය ගත්තා.උදේට කාලා නැවත පිටත් උනා.ජල පාරවල්,ගල් ගොඩවල්, කැලෑ කුට්ටි,කඳු තරණය කරමින් සීත ගඟුල පසු කරමින් අපි මැද මැදහින්න අම්බලමට ගියා.එතනින් දවල්ට කෑවා.පාර නං ගොඩක් දුෂ්කරයි ඒත් එක්ක වහින්නත් පටන් ගත්ත තැනින් තැන.ඒ හැමදේම විඳගෙන පරිසරය විඳ විඳ අපි ගල් වංගෙඩියට ආවා.එතන්ට ආවම මාර සතුටක් ආවේ.එතන ඉඳලා අපි ආඩියා මලතැන්න අම්බලමට ගියා.කුරුවිට පාර දුරයි,දුෂ්කරයි ඒකයි අපිට සතුටක් සතුටක් ආවේ රජ මාවතට වැටුණාම.ඒත් පඩි නගින එක ඊට වඩා අමාරුයි කියලා පස්සේ තේරුණා 😁 අම්බලමේ අපි රාත්‍රිය ගත කරන්න සූදානම් වුණා.පොඩී ගෙනාපු රස පොළොස් මාළුවත් එක්ක රාත්‍රී ආහාරය ගත්තා.කාලාම සීතලේ නිදාගන්න හැදුවා.හිතුවට වඩා සීතල වැඩියි ඒ නිසා නිදාගන්න එක ලේසි වුණේ නෑ.කොහොම හරි පහුවදා උදේ හතරට විතර නැගිට්ටා.මූණ හෝදගෙන තේ බීලා. පහට විතර මළුවට යන්න පටන් ගත්තා මොකද අහස පැහැදිලි නිසා අපිට ඉර සේවය බලන්න පුළුවන් වෙයි හිතුනා.කොහොම හරි සීතලේම අපි මළුවට ගියා.🌄🌄 මළුව නම් වහල තිබුණේ.ඒත් එක්ක මීදුමෙන් මළුව වැහිලා ගියා ඒක නම් මාරම ලස්සනයි.ඒත් එක්කම ඉර සේවය පටන් ගත්තා.වාරෙවත් හරියට ඉර සේවය බලන්න අමාරුයි.අවාරේ කරුණාකරපු අපිට ඉර සේවය ගොඩක් ලස්සනට බලන්න පුළුවන් උනා.නිදහසේ ඒ සුන්දරත්වය අපිට විඳින්න හැකිවුණා.මුළු කන්දම මීදුමෙන් වැහෙනවා,මළුව මීදුමෙන් වැහෙනවා,මීදුම අයින් වෙලා සම්පූර්ණයෙන් වටේම කඳු ටික පේනවා මේ විදිහට වාරේවත් බලාගන්න බැරිවුනා මට.ඒ ගැන වචනෙන් කියන්නන බෑ අපි එකිනෙකාට මූණ බලා ගත්ත ඒ තරම් ලස්සනයි ඒ දර්ශනය.💚😍 පෝය දවස නිසා අපිට මළුවට යන්න වාසනාවකුත් ලැබුණා.අපි සිරිපතුලත් වන්දනාමාන කරගෙන නැවත අම්බලමට ආවා.එන මාර්ගය මල්වලින් ගස් වලින් වැහිලා තිබුනේ ඒකනං කියලා නිම කරන්න බැරි තරම් සුන්දරයි වාරෙත් මෙහෙම තිබ්බනම් කියලා හිතුනා.වටේ කුණු රොඩුත් නෑ ජරාවත් නෑ. ඒ නිසා මාරම පිරිසිදුයි.💚💚😍 අම්බලමට ආපු අපි උදේට කාලා රජ මාවත දිගේ ගෙදර යන්න පිටත් වුණා.මොකද අපේ ආසාව වුණේ අවාරයේ කුරුවිට පාරත්,රජ මාවතත් කොච්චර ලස්සනද බලන්න.දුර වැඩියි ගමන අමාරුයි.ඒත් අපිට ඕන උනේ සුන්දරත්වය විදින්න.ගහකොළ, සතා ,සිවුපාවෝ,මීදුම,ජල පාරවල් මේ දේවල් තමා අපිට බලන්න ඕනේ උනේ.💚 දවල් ආහාරය එන මාර්ගය අයිනක හදාගත්තා.ඒකත් කාලා අපි හිමිට පල්ලම් බැස්සා.කොහොමහරි අපි පහළට එනකොට හය පහු උනා.ඒ නිසා පලාබද්දලින් බස් තිබ්බෙ නෑ.වීල් එකක් අරගෙන අපි සුපුන් අයියගේ ගෙදර ගියා.අපි යනකොට එයාලත් තේ ලෑස්ති කරලා කන්නත් ලෑස්ති කරලා ❤️.අපිට අලුතෙන් හමුවුණු කෙනෙක් උනත් ආගන්තුක සත්කාරය හොඳටම තිබ්බා එයාලටත් ස්තූති කරලා.අපි ඉංගිරිය බලාත්, රසික අයියලා මිද්දෙණියටත් යන්න පිටත් උනා.මේ විදිහට අපේ ගමන ඉවර වුණා. ශ්‍රී පාදය අවාරයට මාරම ලස්සනයි සුන්දරයි ඉතින් ඒ පරිසර පද්ධතිය විනාශ නොකර සුන්දරත්වය විඳිමු.💚💚💚💚 #offseason #nature #srilanka #sripadaya #adamspeak #pilgrimage #aware #erathna #kuruwita