უსახლკარო მოქალაქეები პიაცასთან скачать в хорошем качестве

უსახლკარო მოქალაქეები პიაცასთან

ავტორები: სულხან მესხიძე, ლაშა თავდგირიძე, მირზა ციმნარიძე | 3 მიუსაფარი მოქალაქე „პიაცას“ მისასვლელთან ღამეს უკვე რამდენიმე დღეა ღია ცის ქვეშ ატარებს. უსახლკაროები დღის განმავლობაში შემწეობას ელოდებიან და იქვე იკვებებიან. ტურისტულ ობიექეტთან შექმნილი სიტუაცია ირგვლივ მცხოვრებთა უკმაყოფილების საგანი გახდა. დაბინძურებული ტერიტორიის გამო ადგილობრივები ქალაქის მერიას მიუსაფარი მოქალაქეების ღამის თავშესაფარში გადაყვანას თხოვენ. ბათუმის მერია უსახლკარო მოქალაქეებისთვის ერთ მიზნობრივ პროგრამას ახორციელებს. პროგრამის თანახმად, მიუსაფარი მოქალაქეები ურეხში ყოფილ ბავშვთა სახლში ღამეს ათევენ და დღეში ორჯერ იკვებებიან. დღეისათვის „სოციალური სერვისების სააგენტოს“ აღრიცხვაზე 22-მდე ბენფიციარი ჰყავს. ბადრი გოგიძის თქმით, თავშესაფარში მოქალაქეების გადაყვანა საპატრულო პოლიციის კომპეტენციაა. 22 მაისს „მაცნეს“ მიერ მომზადებულ სიუჟეტში ბათუმის ყოფილი ვიცე-მერი ზურაბ პატარაია აცხადებდა, რომ ურეხის ყოფილი ბავშვთა სახლის საპატრიარქოსთვის გადაცემა იგეგმებოდა. თუმცა რა ეტაპზეა ეს საკითხი, ამ თემაზე პასუხის გადსაცემად მერიაში ვერავინ მოიცალა რატომ არ გადაჰყავს თავშესაფარში უსახლკარო მოქალაქეები საპატრულო პოლიციას ამ დრომდე უცნობია. შინაგას საქმეთა სამინისტროს პრესცენტრი ინფორმაციის გადამოწმებას დაგვპირდა, თუმცა დღის ბოლოს ჩვენს სატელეფონო ზარებს არ უპასუხა.