சிரி சிரி சிரிங்கோண்ணா - Siri Siri Sringonna - Sri Lankan Tamil Song of 70s - 80s скачать в хорошем качестве

சிரி சிரி சிரிங்கோண்ணா - Siri Siri Sringonna - Sri Lankan Tamil Song of 70s - 80s

#எம்மவர்இசைமழை 70- 80களில் எம்மவர் துள்ளிசைப் பாடல்கள் பள்ளிப்பிராயத்தில் சுவைத்த குளுக்கோரச (Glucorasa) ஜுஜுப்ஸ் இனிப்புகளின் சுவை இன்னும் எங்கள் நாவில், சுவைத்தவர்கள் எங்கள் பாடல்களைப் போல் ஜுஜுப்ஸ் சுவையையும் மறந்திருக்க வாய்ப்பில்லை. ஜுஜுப்ஸ் தயாரித்த Uswatte Confectionery அதிபரான அன்டன் பெரேராவுக்கு ஐந்து மகன்கள். ஐவரையும் இசைத்துறையில் பிரபலமாக்க அன்டனுக்கு ஆசை. தந்தை விருப்பப்படி அவர்களும் இசைப் பயின்றது மட்டுமல்லாமல் `'ஜிப்சீஸ்' என்று ஒரு இசைக் குழுவையும் உருவாக்கி வெற்றிக் கொடி நாட்டினார்கள். இன்றும் ஜிப்சீஸ் ஒரு இசைக் குழுவாய் பரிணமிக்கிறது. இசைக் குழுவின் தலைவர் சுனில் பெரேரா பாடகர், கிட்டார் வாத்தியக் கலைஞர், பாடலாசிரியர் மற்றும் இசையமைப்பாளர் என அவதாரங்கள் எடுத்தவர். தனது முற்போக்கான நையாண்டிப் பாடல்களால் இரசிகர்களைத் தன்பால் கவர்ந்தவர். துரதிர்ஷ்டவசமாக, பல பிரபலங்களைக் காவு கொண்ட 'கொரோன' தொற்று இவரையும் இரசிகர்களிடமிருந்து நிரந்தரமாய் பிரித்துச் சென்றது. Glucorasa இனிப்புகளின் விளம்பரங்களை வானொலியில் கையாண்ட ஒருவர் அதே வானொலி விளம்பரத் துறையிலிருந்த 'எம்மவர்' வி முத்தழகுவின் நெருங்கிய நண்பர். அண்ணன் முத்தழகுவின் சிங்கள, தமிழ்ப் பாடல்களில் விருப்புக் கொண்டு இருந்த அவர் முத்தழகுவிடம் "வா மச்சான், நாங்க ஒரு நாளைக்கு அன்டன் பெரேராவை பாத்து பாட்டு பாட சான்ஸ் கேப்பம்" என்று சொல்லி அவரை Uswatte Confectionery அருகிலேயே இருந்த ஜிப்சீஸ் இசைக் கூடத்தில் அன்டனுடன் அறிமுகச் சந்திப்பிற்கு ஏற்பாடு செய்தார். இதுவே "GYPSY003" இலக்க தமிழ் இசை நாடா உருவாக அடித்தளம். GYPSY003 இசை ஒலி நாடா உருவாக்கத்தில் அந்நாளைய வானொலி பிரபலங்கள், சரா இம்மானுவல், கேஎஸ் ராஜா, யோகா பாலச்சந்திரன், பிஎச் அப்துல் ஹமீது, பாரா சின்னத்தம்பியெனப் பலரின் பங்களிப்பு இருந்தது. பாடல்களைப் பாட முத்தழகு தனது நண்பர் 'எம்மவர்' கணபதிப்பிள்ளை, தன்னுடன் இணைந்து திரைப் பாடல்களைப் பாடி பிரபலமாயிருந்த 'எம்மவர்' கலாவதியையும் அழைத்துப் போனார். அந்தக் காலகட்டத்தில் இளைய இசைக் கலைஞராக இருந்த சுனில் பெரேராவின் பங்களிப்பையும் புறந்தள்ள முடியாது. கலந்துரையாடல்களில் பங்கு பற்றியவர்களின் உபசரிப்பதிலும் முன்னின்றதும் உண்டு. 14 பாடல்கள் ஒலி நாடாவில் இடம்பெற வாய்ப்பு இருந்தபோது, அண்ணன் முத்தழகுவின் வேண்டுகோளின் பேரில் அன்டன் பெரேரா மாத்தளை கார்த்துகேசுவின் 'அவள் ஒரு ஜீவநதி' திரைப்படப் பாடல்கள் நான்கை ஒலி நாடாவில் இணைத்துக்கொள்ள அனுமதி கொடுத்தார். அவள் ஒரு ஜீவநதி திரைப் பாடல்கள் வானொலியில் மிகவும் விரும்பி இரசிகப் பட்ட பாடல்கள், திரைப்படத்திற்கு எம்எஸ் செல்வராஜா முதல் முறையாக அருமையாக இசையமைத்திருந்தார். GYPSY003 ஒலிநாடாவில் பாடல்களில் இரண்டு சுனில் பெரேராவின் ஜிப்சீஸ் இசையில் இடம்பெற்றது. இரண்டும் சிங்கள மேடைகளிலும் வானொலியிலும் மிகப் பிரபலமான பாடல்களாகும். இரு பாடல்களையும் இயற்றியவர் யோகா பாலச்சந்திரன். இசை சுனில் பெரேரா. பாலச்சந்திரன் - யோகா தம்பதிகளின் பங்களிப்பு பல வித்தியாசமான கலை இலக்கிய மேடைகளில் இடம்பெற்றது. யோகா பாலச்சந்திரன் 'இலங்கை குடும்பத்திட்ட சங்கத்தில்' பங்கெடுத்தவர், காமினி பொன்சேகாவின் "சருங்களே" திரைப்படத்தில் முக்கிய பங்களிப்புச் செய்தவர். பாடகர்பற்றி ஏற்கனவே முன்னைய தரவேற்றங்களில் குறிப்பிட்டுள்ளதால் மீண்டும் எழுத வேண்டிய அவசியம் இங்கு இல்லை. சினா ஹினா சினா ஹினா சிரிங்கோண்ணா சிரி சிரி சிரிங்கோண்ணா இளமைக்கு சிரிங்கோண்ணா சொமியா வாங்கோண்ணா ஜொலியா சிரிங்கோண்ணா பெரிய வீட்டு நோனமாரு போடுறாங்க party  சிறிய வீட்டு வம்பு பேசிச் சிரிக்கிறதா beauty  முதலைப் போல ஆள் விழுக்கும் முதலாளிகள் கூட்டம்  மாலை Whisky Gin Brandy போடுகிற ஆட்டம்    பஜாரிலே பஜாவ் கூட்டம் மருதானையில் கூடும் மரியக்கடை மாஸ்டர் வீட்டில் சோபனங்கள் போடும்  பபா போலச் சுருட்டு அடிக்கும் காளி முத்து ஐயா  பெபாசீயா செய்கிராரு  பழைய கால யோகா பாடியவர் - கணபதிப்பிள்ளை இயற்றியவர் - யோகா பாலச்சந்திரன் இசை அமைப்பு - சுனில் பெரேரா இசை வழங்கியவர்கள் - ஜிப்ஸீஸ்