နောင်ချိုမြို့ကို စစ်တပ်ထိန်းချုပ်လိုက်ပြီ၊ မြို့ပေါ်ကနေ ဆုတ်ပေးလိုက်ရပြီလို့ TNLA အသိပေး скачать в хорошем качестве

နောင်ချိုမြို့ကို စစ်တပ်ထိန်းချုပ်လိုက်ပြီ၊ မြို့ပေါ်ကနေ ဆုတ်ပေးလိုက်ရပြီလို့ TNLA အသိပေး

နောင်ချိုမြို့ကို စစ်တပ်ထိန်းချုပ်လိုက်ပြီ၊ မြို့ပေါ်ကနေ ဆုတ်ပေးလိုက်ရပြီလို့ TNLA အသိပေး ................. ရှမ်းပြည်နယ်မြောက်ပိုင်း နောင်ချိုမြို့ တစ်ခုလုံးကို စစ်ကောင်စီတပ်က ဇူလိုင် ၁၅ရက်မှာ အလုံးစုံ ထိန်းချုပ်လိုက်ပြီလို့ သိရပါတယ်။ မေလကစလို့ နောင်ချိုမြို့နယ်အတွင်း တိုက်ပွဲတွေ ပြင်းထန်လာပြီး စစ်ကောင်စီရဲ့ မြေပြင်၊ ဝေဟင်ထိုးစစ်တွေကြောင့် ဇူလိုင်လ ၁၅ရက်နေ့မှာတော့ အုပ်ချုပ်ရေးလုပ်ငန်းတွေအားလုံးရပ်ဆိုင်းပြီး နောင်ချိုမြို့ပေါ်ကနေ ဆုတ်ခွာခဲ့ရတယ်လို့ တအာင်းတပ် TNLA က ဇူလိုင် ၁၆ရက်မှာ တရားဝင်ထုတ်ပြန်လိုက်ပါတယ်။ တိုက်ပွဲတွေ ဆက်လက်ပြင်းထန်နိုင်တာကြောင့် ဒေသခံပြည်သူတွေအနေနဲ့ လုံခြုံရေးဂရုစိုက်ဖို့နဲ့ လေကြောင်းအန္တရာယ်လမ်းညွှန်ချက်တွေကို လိုက်နာကြလို့လည်း TNLA က တိုက်တွန်းထားပါတယ်။ တောင်းခမ်းရွာကနေ နောင်ချိုကို စစ်ကြောင်းထိုးလာတဲ့ တပ်မ ၁၁ နဲ့ တပ်မ ၅၅ စစ်ကြောင်းတွေဟာ ဇူလိုင် ၁၃ ရက်နေ့မှာ နောင်ချိုမြို့ တောင်ရပ်ကွက်၊ ပါဟတ်ရပ်ကွက်တွေကို သိမ်းပိုက်ပြီး ဇူလိုင် ၁၅ ရက်နေ့မှာ ဈေးရပ်ကွက်နဲ့ မြို့ပေါ်နေရာအများစုကို သိမ်းပိုက်လိုက်တာ ဖြစ်ပါတယ်။ ၁၀၂၇ စစ်ဆင်ရေးအတွင်း မြောက်ပိုင်းမဟာမိတ်‌တွေ သိမ်းထားတဲ့အထဲက နောင်ချိုမြို့ဟာ စစ်ကောင်စီလက်ထဲ ပြန်ရောက်သွားတဲ့ ဒုတိယမြောက်မြို့ ဖြစ်ပါတယ်။ တရုတ်နိုင်ငံရဲ့ ဖိအားပေးမှုကြောင့် ရှမ်းမြောက်ရဲ့ မြို့တော်ဖြစ်တဲ့ လားရှိုးကနေ ကိုးကန့်တပ်က ၂၀၂၅ ဧပြီလမှာ ဆုတ်ခွာခဲ့ရပါတယ်။ ကျော်ဇင်ဝင်း၊ မြတ်ကြီး/ Myanmar Now