الجيش يتدخل… فأين كانت الحكومة؟ قراءة في مشهد الإغاثة скачать в хорошем качестве

الجيش يتدخل… فأين كانت الحكومة؟ قراءة في مشهد الإغاثة

في لحظات الخوف، كتطيح الأقنعة… وكتبان الحقيقة. الفيضانات اللي ضربات عدد من المدن والمناطق ما كانتش غير كارثة طبيعية، كانت امتحان حقيقي للدولة، للحكومة، وللضمير الجماعي. وسط الوحل، وسط الماء اللي طالع، وسط العائلات اللي خرجات من ديورها فليل طويل وما عارفاش فين غادي تبات، بان مشهد واحد بوضوح: الجيش كان فالميدان… والحكومة كانت غائبة. رجال القوات المسلحة الملكية، الدرك، الوقاية المدنية، والأمن، كانوا فالواجهة: إجلاء، إنقاذ، خيام، أكل، تنظيم، حضور فعلي كيحمي الأرواح ويطمّن الناس. والحمد لله، رغم حجم الكارثة، ما تسجلات حتى حالة وفاة. هاد الشي ما جا صدفة، جا بقرار، بتنسيق، وبأولوية واضحة: الأرواح أولاً. ولكن السؤال اللي كيطرح راسو بقوة: ❓ فين هي الحكومة؟ ❓ فين هو رئيس الحكومة فوسط الميدان؟ ❓ علاش شفنا بلاغات وصور بعيدة، وما شفناش حضور بشري وسط الألم؟ راه المواطن ما محتاجش غير مساعدات مادية، محتاج يشوف المسؤول السياسي الأول واقف معاه، كيسمع ليه، كيهضر على التعويض، على المستقبل، وكيعترف بحجم الخسائر. ونفس السؤال كيتطرح على وزير الفلاحة: الفلاحين خرجو من ديورهم، المواشي بلا علف، الزرع ضاع، الموسم غرق. فين هي التطمينات؟ فين هو إعلان المناطق المنكوبة؟ فين هي السرعة فالتدخل، والدولة دابا عندها السجل الاجتماعي والمعطيات والتجربة؟ الفيديو ما كيوقفش هنا… كنهضرو حتى على صمت راس المال: فين هما الفنادق الخاوية؟ فين هما الشركات اللي كتربح فسنوات الرخاء؟ علاش فالمحنة كيسدو البيبان؟ ومن الكارثة الطبيعية، كنمشيو للكارثة السياسية: مؤتمرات بلا نقاش، بلا محاسبة، بلا معنى. سياسة ناشفة، وشباب فاقد الثقة، ومواطن باقي هو الحلقة الأضعف. هاد الفيديو محاولة باش نهضرو بصوت عالي، باش نسولو، وباش نقولو: الدولة خاصها تحضر، ولكن الحكومة خاصها تتحاسب. 📢 ميكروفون الشعب غادي يبقى معاكم، كيهضر باسم الناس، وما كيسكتش. إلى عجبك الفيديو: 👍 دير لايك 💬 خلي رأيك فالتعليقات 🔔 فعّل الجرس 📌 وبارطاجي باش يوصل الصوت حيت هاد البلاد ما غاديش تتبدل… إلا إلى هضر الشعب. #ميكروفون_الشعب #الفيضانات #الحكومة_الغائبة #الجيش_في_الواجهة #الكوارث_الطبيعية #المغرب #الدولة_والمواطن #المسؤولية_السياسية #العدالة_الاجتماعية #الفلاح_المغربي #التغير_المناخي #السياسة_في_المغرب #صوت_الشعب #المحاسبة #فين_هي_الحكومة