Unikal əməliyyat: 5 aylıq körpə üzərində aparılan mürəkkəb cərrahi əməliyyat uğurla nəticələndi_İTV скачать в хорошем качестве

Unikal əməliyyat: 5 aylıq körpə üzərində aparılan mürəkkəb cərrahi əməliyyat uğurla nəticələndi_İTV

Kraniosinostoz nadir, adətən, ana bətnində inkişaf edən patologiyadır. Körpələrdə 1-2 yaşına qədər kəllə sümükləri arasında tikişlər olmalıdır. Bu tikişlərin açıq qalmaları kəllənin düzgün böyüməsi üçün olduqca vacibdir. Tikişlərin erkən qapanmasına kraniosinostoz deyilir. Adətən (80% hallarda), saqital tikişin qapanması müşahidə edilir. Daha nadir hallarda digər tikişlərin və hətta bir neçə tikişin qapanması (oksisefaliya) ola bilər. Bir tikişin qapanması kəllədaxili təzyiqin artma ehtimalını 15% artırır. Əməliyyatın məqsədi kəllənin düzgün böyüməsinə şərait yaradılması, kəllədaxili təzyiqin və onun fəsadlarının profilaktikası və müalicəsidir. Respublika Müalicəvi Diaqnostika Mərkəzinə (RMDM) daxil olan 5 aylıq körpədə saqital, koronal və skvamoz tikişlərin bilateral qapanması nəticəsində kəllənin anormal böyüməsi (dolixosefaliya) izlənildi. Neyrocərrah Azər ƏKBƏROV tərəfindən aparılmış əməliyyatda qapanmış koronal və saqital tikişlərin xaric edilməsi, bilateral frontal və spiral osteotomiyalar icra edildi, kəllənin normal böyüməsi üçün şərait yaradıldı. Əməliyyatdan sonrakı kontrol tomoqrafiyada körpənin kəlləsində kafi korreksiya müşahidə edildi. Belə böyük əməliyyatların ən vacib məqamlarından biri qanitirmədir. Azyaşlılar qan itkisinə olduqca həssasdırlar. Əməliyyat üçün 6 ay optimal sayılır. Əməliyyatın uğurla nəticələnməsində əməyi keçən bütün tibb heyətinə təşəkkür edirik!