بەختیار عەلی لەسەر زیرەکی دەستکرد، شارستانییەت و سیاسەتی کوردی скачать в хорошем качестве

بەختیار عەلی لەسەر زیرەکی دەستکرد، شارستانییەت و سیاسەتی کوردی

چەند نووسەرێکی کەم لە دونیای ئێمەدا هەن هێندەی بەختیار عەلی بە قووڵی و فراوانی ئەزموونی کورد بگێڕنەوە. ڕۆماننووسە ناودارەکەی کورد لەم چاوپێکەوتنە تایبەتەی لەگەڵ ئامارگیدا، بیروڕای خۆی دەردەبڕێت دەربارەی ئەدەب، مەنفا، ئازادی، قەیرانی شارستانیەت و ڕۆڵی خەیاڵ و نووسینی داهێنەرانە لە سەردەمی باڵادەستیی سیاسەتی کۆنەپارێز و ژیریی دەستکرددا. بەختیار عەلی کە وەک کاریگەرترین و پڕخوێنەرترین ڕۆماننووسی کوردی نەوەی خۆی دادەنرێت، لە ماڵەکەی خۆی لە شاری ڤوپەرتاڵی ئەڵمانیاوە قسە دەکات، کە هەمان ئەو شارەیە کە فریدریش ئەنگڵس لێی لەدایک بووە. بۆ ئەو ئەرکی نووسەر تەنیا بەڵگەنامەکردنی ئازار نییە، بەڵکو ویژدان بەئاگا هێنانەوەیەوە؛ بۆ ئەوەی بیرمان بخاتەوە کە خەبات بۆ حەقیقەت و ئازادی لە هەموو سەردەمێکدا دەبێت نوێ بکرێتەوە. لەم گفتوگۆ دەگمەن و بەرفراوانەدا دوای 14 ساڵ لە قسەنەکردن لەگەڵ هیچ میدیایەک بەو شێوەیە، بەختیار عەلی باس لە گرژیی نێوان ئەدەب و دەسەڵات و قەیرانی شارستانیەت و دابەشبوونی سیاسی و سەرهەڵدانی ژیریی دەستکرد وەک فۆرمێکی نوێی کۆنترۆڵکردنی خەیاڵی مرۆڤ دەکات. قسەکانی بەختیار عەلی تەنیا بۆ کوردستان نین، بەڵکو ئەو بۆ بینەرێکی جیهانی دەدوێت کە بەرخود دەکەن لەگەڵ پرسی ناسنامە و ئازادی و شێواندنی ڕاستییەکان لە ژیانی گشتیدا. بۆ ناوچەیەک کە زۆرجار بە توندوتیژی و شکستی سیاسی پێناسە دەکرێت، دەنگی بەختیار عەلی نەک بە تەنها ڕەخنە بەڵکو ئەگەرێک و دیدگایەک پێشکەش دەکات بۆ کەرامەتی مرۆڤ و بەرخۆدانی داهێنەرانە کە سنوورەکان تێدەپەڕێنێت. ئەم چاوپێکەوتنە بەشێکە لە زنجیرە گفتوگۆی قووڵی بەردەوامی ئامارگی لەگەڵ بیرمەندان و نووسەران و پێشەنگەکانی ڕۆژهەڵاتی ناوەڕاست. ئێستا بینەری تەواوی ئەم چاوپێکەوتنەکە بن، و سەبسکرایبی ئامارگی بکەن بۆ بینینی چیرۆکی زیاتر لە یەکتربڕینی سیاسەت و هونەر و مرۆڤایەتی. چاوپێکەوتن: کەمال چۆمانی مۆنتاژ: کرێکار محەمەد - محەمەد زەهاوی تۆمارکردن: کرێکار محەمەد و جەمیل — دەربارەی ئامارگی: ئامارگی پلاتفۆرمێکی میدیایی سەربەخۆیە و بنکەکەی لە شاری لایپزیگی ئەڵمانیایە و لە ڕێگەی ڕاپۆرت و شیکاری و چاوپێکەوتنەوە ڕووماڵی کوردستان، تورکیا، عێراق، سوریا، ئێران و ڕۆژهەڵاتی ناوەڕاست دەکات.