ភ្នំក្រោមឬប្រាសាទភ្នំក្រោម скачать в хорошем качестве

ភ្នំក្រោមឬប្រាសាទភ្នំក្រោម

ភ្នំក្រោមជារមណីយដ្ឋានវប្បធម៍ប្រវត្តិសាស្រ្ត មានទីតាំងស្ថិតនៅក្នុងភូមិ ភ្នំក្រោម ឃុំ ចុងឃ្នាស ក្រុងសៀមរាប ខេត្តសៀមរាប ។ជាទីកន្លែងមួយ​ដែល​ភ្ញៀវទេសចរណ៍និយមទៅមើលថ្ងៃលិចចូលបឹងទន្លេសាបនិងជាកន្លែងហាត់ប្រាណផងដែរ។ ភ្នំក្រោមជាកូនភ្នំមួយដែលមានកម្ពស់១៣៧ម យើងអាចធ្វើដំណើរឡើងទៅ​លើ​​ពូលភ្នំនេះបានដោយថ្មើរជើង ឬកង់ ម៉ូតូ ឡានក៏បានព្រោះមានផ្លូវបេតុង យ៉ាង ស្អាត​​ រងាយស្រួលធ្វើដំណើរឡើង។ពេលយើងទៅដល់ខ្នងភ្នំមាន ទីអារាមមួយ ឈ្មោះថាវត្តខ្នងភ្នំក្រោម។ចំណែកនៅភាគខាងលិចវត្តមានទីទួលមួយគឺ ប្រាសាទ​ ភ្នំក្រោម។ប្រាសាទនេះមានចម្ងាយប្រហែល១២គីឡូម៉ែត្រខាងត្បូង ក្រុងសៀមរាប ខាងជើងបឹងទន្លេសាប និងមានចម្ងាយប្រហែល ២២គីឡូម៉ែត្រ ពីប្រាសាទអង្គរវត្ត។យើងអាចធ្វើដំណើរទៅភ្នំក្រោមតាមផ្លូវស្របនិង ដងស្ទឹង សៀមរាបពីជើងទៅត្បួង។ប្រាសាទភ្នំក្រោមកសាងដោយ បែរមុខទៅទិស ខាងកើត និង ត្រូវបានស្ថាបនាឡើងនៅចុងសតវត្សទី៩ និង ដើមសតវត្សទី១០ ដោយព្រះបាទយសោវរ្ម័នទី១ (៨៨៩-៩១៥) ដែលឧទ្ទិសដល់អាទិទេពទាំងបី ក្នុងព្រហ្មញ្ញសាសនាគឺ ព្រះឥសូរ ព្រះវិស្ណុ និង ព្រះព្រហ្ម។ ប្រាសាទនេះមាន ប្រាង្គបីធ្វើអំពីថ្មភក់ស្ថិតនៅជាជួរលើខៀនមួយពីខាងជើងទៅត្បូង។ ប្រាង្គកណ្តាលឧទ្ទិសដល់ព្រះឥសូរ ខាងជើងឧទ្ទិសថ្វាយដល់ព្រះវិស្ណុ និង ខាងត្បូងឧទ្ទិសថ្វាយព្រះព្រហ្ម។ប៉មបីទន្ទឹមគ្នានៃប្រាសាទនេះ សាងសង់ឡើង លើខឿនតែមួយ និងមានទំហំខុសៗគ្នាគឺ ប៉មកណ្តាលរាងការេមាន ទំហំ៩.៤០មx៩.៤០ម និងកម្ពស់១០ម។ ឯប៉មខាងជើងនិងខាងត្បូងប្លង់រាងការេដែរ ដែលមានទំហំ ៧.៥០មx៧.៥០ម។ បច្ចុប្បន្ន ប្រាសាទស្ថិតនៅកណ្តាល ហ៊ុមព័ទ្ធដោយកំពែងថ្មបាយក្រៀម ក្នុងទំហំប្រមាណ៣៤០៨ម៉ែត្រក្រឡា។ កំពូលនៃប្រាង្គទាំងនេះបានដួលរលំអស់ហើយ។ ប្រាសាទនេះមានកំពែង ធ្វើអំពីថ្មបាយក្រៀម និង មានគោបុរៈនៅទិសខាងកើត។ មានអាគារវែងបីទៀតដែលទំនងជាកន្លែងសំរាក គឺមួយនៅខាងត្បូង និង មួយនៅខាងជើង។ អាគារទាំងនោះនៅសល់តែគ្រឹះប៉ុណ្នោះ។ មានសំនង់រាងការ៉េបួនទៀតនៅពីមុខប្រាង្គកណ្តាលបែរមុខទៅទិសខាងលិច ដែលទំនងជាឈាបនដ្ឋាន។ ប្រាសាទនេះមានបណ្ណាល័យ ឬហោត្រ័យចំនួន បួននៅទិសខាងកើត និងមានបណ្ណាល័យចំនួនពីរធ្វើអំពីឥដ្ឋនៅសងខាង ចំណែកបណ្ណាល័យចំហៀងខាងក្នុងធ្វើអំពីថ្មភក់ និងមានកំពែងព័ន្ធជុំវិញ ដែលមានទំហំប្រវែង៥០ម៉ែត្រគុណ៥០ម៉ែត្រ។បើសង្កេតលើស្ថាន ភាពជាក់ ស្ដែង ប្រាសាទភ្នំក្រោមនេះមានសុភាពទ្រុឌទ្រោមយ៉ាងខ្លាំងបើពិនិត្យទៅលើគុណភាពថ្មភក់វិញមានសភាពពុកផុយយ៉ាងខ្លាំង។ដែលជាកត្តានាំឪ្យតួប្រាសាទទាំងមូលប្រេះស្រាំស្ទើរតែគ្រប់ផ្ទាំងស្រទាប់ថ្ម។ ដែលជាហេតុនាំឧ្យរលេះបាក់នៅក្បាច់រចនារបស់ប្រាសាទ។ទន្ទឹមនោះដែរក៏មានសំណង់សមយ័ថ្មីនៅជុំវិញប្រាសាទផ្នែកខាងកើត។សំណង់ទាំងនោះមានកុដិព្រះសង្ឃ ខ្ទមសំណាក់ធម៌របស់យាយជី តាជី សាលាឆាន់ ព្រះវិហារនិងស្លាកស្នាមសំណង់បាក់បែកមួយចំនួនទៀតអំពីស៊ីម៉ង់ត៏ប្រហែលជាសាងសង់តាំងពីសមយ័បារាំង។ ពេលភ្ញៀវទេសចរដែលឡើងទៅដល់ប្រាសាទភ្នំក្រោមនេះ អាចគយគន់ទិដ្ឋភាពដ៏ស្រស់ស្អាតនៃប្រាសាទ រួមនឹងទិដ្ឋភាពជុំវិញដូចជា បឹងទន្លេសាប វាលស្រែដ៏ធំល្វឹងល្វើយ និងទិដ្ឋភាពពេលថ្ងៃរៀបលិចយ៉ាងស្រស់ស្អាតទៀតផង។ នាពេលរដូវវស្សាចូលមកដល់ទីទួលនានានិងព្រៃរនាមមាត់បឹងត្រូវបានលិចល្ហរល្ហាចគ្របដណ្ដប់ទៅដោយផ្ទៃជលសា។ទឹកទាំងនោះត្រូវបានហូរមកពីជំនន់ទន្លេមេគង្គនឹងតំបន់នៅជុំវិញមកស្រោចស្របលើផ្ទៃធំល្វើងល្វើយនេះ លិចអស់ផលដំណាំ ដីស្រែដែលនៅជុំវិញភ្នំក្រោមនេះ។ដែលយើងមើលពីលើភ្នំប្រៀបបានទៅនឹងផ្ទៃសមុទ្រផងដែរ។នៅពេលរដូវទឹកសំរកប្រជាជនដែលរស់នៅតំបន់បានធ្វើស្រូវប្រដេញទឹកពេលនោះភ្ញៀវទេសចរណ៌ឡើងទៅទស្សនាបរិវេនជុំវិញភ្នំមានសភាព ខៀវស្រងាត់និងស្រស់បំព្រងដែលគូរជាទីគយគន់។ដោយមានខ្យល់រហើយតិចៗផងនោះបានធ្វើឧ្យអ្នកទស្សនាម្នាក់ហាក់មិនចង់ចុះត្រឡប់មកវិញ។បើយើងនៅរហួតដល់មេឃងងឹតវិញ យើងហាក់ដូចជាកំពង់នៅលើឰដ៏អាកាសព្រោះមានមានពន្លឺភ្លើងផ្ទះប្រជាពលរដ្ធប្រៀបបានទៅនឹងពន្លឺផ្កាយ៉ាងស្រស់ត្រកាល។ ការខូចខាតរបស់ប្រាសាទភ្នំក្រោមអាចបណ្ដាលមកពីកត្តាជាច្រើនដូចជា -ប្រាសាទនេះសង់ឡើងនៅជាប់មាត់ទន្លេសាបបណ្ដាលឧ្យមានសំណើមច្រើនគ្រប់រដូវ។សំណើមនេះបានបក់ពីទន្លេសាបគួបផ្សំនិងអាកាសធាតុប្រទេសយើងក្ដៅហើយសើមផងនោះ ធ្វើឧ្យថ្មមានសភាពរីករួមៗបណ្ដាលឧ្យថ្មភក់ងាយពុកផុយឧ្យប្រាសាទនេះឆាប់ពុកផុយ។ ដោយប្រាសាទនេះសង់លើទីទួលដែលខ្ពស់ហើយមិនមានព្រៃជារបាំង ការពារធ្វើឧ្យតួប្រាសាទត្រូវប៉ះខ្យល់បោកបក់យ៉ាងខ្លាំងមកលើធ្វើឧ្យមានសំណឹខ្លាំងខុសពីប្រាសាទផ្សេងៗ សមយ័សង្គ្រាមនៅខ្នងភ្នំជាកន្លែងដាក់កាំភ្លើងធំដូច្នេះវាក៏ជា ហេតុ បណ្ដាយឧ្យប៉ះពាល់ដល់ប្រាសាទផងដែរ។ -ការដាក់ម្សៅ តេអិនតេ កំទេចយកថ្មក្រាលផ្លូវថ្នល់ជាដើម ។ #ភ្នំក្រោមឬប្រាសាទភ្នំក្រោម#ក្រុងសៀមរាម#ខ