Ақтөбелік саудагерлер базардағы бәсекелестерімен ашық «соғысуға» шықты скачать в хорошем качестве

Ақтөбелік саудагерлер базардағы бәсекелестерімен ашық «соғысуға» шықты

Ақтөбеде жеміс-жидек сататын саудагерлердің шыдамы таусылды. Наразылыққа шыққан орталық базардың 50 шақты кәсіпкері базар сыртында еркін жайылған жабайы сауданың тоқтатылуын қалайды. Себебі не салық, не орынға ақша төлемей, еш кедергісіз сауда жасайтындардың кесірінен кірістері күрт азайып кеткен. Жиналғандар базар сыртындағы заңсыз сауданы біле тұра, оны тоқтатуға қауқарсыз отырған полиция мен жергілікті жауаптылардың әрекетіне қарсы шықты. Ақтөбедегі орталық базардың саудагерлері бүгін барлық шаруаларын ысырып қойып, саудадағы бәсекелестерімен ашық "соғысуға" шығыпты. Базар сыртында жайылған жабайы сауданың кесірінен мүлдем саудасыз қалдық деген олар шыдамдарының таусылғанын айтады. Себебі үш айдан бері табыс таппақ түгілі, орын ақыларына төлейтін ақшаны да шығара алмай қалдық дейді. ИНАБАТ ҚАЙЖАНОВА, саудагер: – Мында дезинфекция жоқ. Аренда төлемейді. ИП жоқ. Вообще бізге сауда беріп жатқан жоқ. Бізге ішке адам кірмейді. Үш ай болды біз аренданы төлей алмай отырмыз. Кері кетіп жатырмыз. Наразылыққа шыққандар жабайы сауданы тоқтату туралы ұсыныспен қалалық әкімдікке бірнеше рет барып, шағымданғандарын айтады. Алайда бізді не естіген адам, не шара қолданған жауаптылар табылмады-дейді. АЙНҰР ЕСЕНБЕКОВА, саудагер: – Бұлар күнде 300-350 мың теңгеге сауда жасайды. Естіп жатырмыз. 300 мың теңгеге сауда жасаған деген не сұмдық? Ал осылардан ұстаңдар налогтарды. Акимат қабылдамай, бұл болмайды заңды түрде. Акимат не істеп отыр? Ал әкімдіктегілер жабайы сауданы тоқтатуға құлықсыз сияқты. Өйткені олар базар сыртындағы саудаға емес, саудагерлердің жағдайына қатты алаңдайды екен. Сөздерінше ашық алаңда заңсыз тұрғандардың бәрі жағдайы төмен, жұмысы жоқ, көп балалы аналар. ЛӘЗЗАТ СМАТИЛОВА, Ақтөбе қаласы Кәсіпкерлік бөлімі басшысының міндетін атқарушы: – Олар саудаға жақсы өмір сүргендіктен шығып отырған жоқ. Қиын жағдайда отырғандар. Көбінің жұмысы жоқ. Бірақ соған қарамастан жергілікті полицейлер де өз құзырына тиісті жұмыстарды жүргізуде. Қала аумағындағы жабайы базарлардың жұмысын тоқтатуға барынша кірісіп жүр. Осылайша жабайы саудамен айналысатын саудагерлердің жағдайын қатты ойлайтын әкімдіктегілер қазір қалада ашық алаңдағы сауда орындарының алгоритімін ойластырып жатыр екен. Сөздерінше мұндай орындар белгіленгеннен кейін саудагерлер ақысыз тұрып, өз тауарларын еркін сата алатын болады. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #Ақтөбе #саудагерлер #базардағы_соғыс