Сот Нұрсұлтан Назарбаевтың тағы бір туысын банкрот деп танудан бас тартты скачать в хорошем качестве

Сот Нұрсұлтан Назарбаевтың тағы бір туысын банкрот деп танудан бас тартты

Алматы облыстық соты Нұрсұлтан Назарбаевтың тағы бір туысын банкрот деп танудан бас тартты. Бұл жолғы әңгіме экс-президенттің қарындасы Әнипа Назарбаеваға қатысты болып отыр. Өйткені, кәсіпкерге тиесілі компания бюджетке шамамен 100 миллиард теңге қарыз. Яғни, салық пен өзге де міндетті төлемдерін өтемеген. "Курсив" дерегінше, «Group of the companies TDA» кейінгі үш жылдағы бухгалтерлік және қаржылық құжаттарын ұсынбаған көрінеді. Сондықтан сот кәсіпорынның төлем қабілетсіздігі толық дәлелденбеді деген қорытындыға келген. Әнипа Назарбаева бұл компанияға серіктесі Әли Қлышбаевпен бірге иелік етеді. Олар ұзақ жылдар бойы түрлі тауар сатумен айналысқан. Бірақ жыл басында мемлекетке қыруар қаржы қарыз екені анықталды. Сол кезде кәсіпорын салықтық берешегін өтеуге мүмкіндіктің жоқтығын айтып, сотқа жүгінген. Айта кетейік, бұл Назарбаевтар әулетіндегі алғашқы жағдай емес. Бұған дейін аудандық сот Нұрбол Назарбаевтың да арызын кері қайтарған. Оған экс-шендінің әкесі марқұм Болат Назарбаевтың өтелмеген қарызы себеп болған. #Информбюро #31арна #БастыЖаңалықтар #Новости #31канал