Kuku hotsa -Ekhiñe Zapiain скачать в хорошем качестве

Kuku hotsa -Ekhiñe Zapiain

Ekhiñe Zapiainen martxoko bertso sorta #ZortzikoHandia blogean. Doinua: Erreguetan ari nintzela Biligarrua arbolan eta xoxoa sasi onduan gaur goizean’e eginahalean hor ari ziren kantuan kukua berriz, zuhaitzik zuhaitz “kuku” hemen ta “kuku” han kalendario gabe badaki noiz etorri ta noiz juan Lazkao Txikik botatakoak badauka nire adosa hura oinarri badoa hemen nire kontakizun motza Gaur aritu naiz poltsikoetan aurkitu asmotan sosa Udaberrian lehenengo aldiz aditzean kuku-hotsa Ta hausnarrera eraman ditu nire burua ta boza Nola munduan ta gizartean maiz gailentzen den kaosa Ziur ezberdin izanen dela bakoitzaren lekukotza Udaberrian lehenengo aldiz aditzean kuku-hotsa. Belar soroak loratzen dira, loratzen zaigu bihotza baserrietan —hirian berdin— zabaldu ohi da gorotza Batzuk lo egin ezin, bertzeek aitzaki harturik txotxa Udaberrian lehenengo aldiz aditzean kuku-hotsa Euskaldun gisa nahi genukeenez prototipo on bat osa Markako treking arropaz goaz miatzera Panticosa Baina ezezagun zaizkigu oraindik Garazi eta Lodosa Udaberrian lehenengo aldiz aditzean kuku-hotsa Handitzen doa negu partean jaio berri zen bildotsa Mugikorraren menpe bizi da ezin altxatu kokotza jendearekin konektatzea egiten zai0 arrotza Udaberrian lehenengo aldiz aditzean kuku-hotsa Irauten duen forma berridun langileen esklabotza, herria bitan banatzen duen zubi puska, burni hotza Bidasoaren urek dakarte gorpu baztertu, hilotza Udaberrian lehenengo aldiz aditzean kuku-hotsa Gure zilborrak begiratzea nahiz gure gorputzez lotsa Maiz aldrebesa izan litekeen inguruko harrabotsa Guztia duen horren samina deus ez duenaren poza Udaberrian lehenengo aldiz aditzean kuku-hotsa