Hipofiz vəzi xəstəliklərinin əlamətləri nələrdir? скачать в хорошем качестве

Hipofiz vəzi xəstəliklərinin əlamətləri nələrdir?

Hipofiz vəzi xəstəsi həkim qəbuluna 3 əsas şikayətlə gəlir. Bunun birincisi hormon artıqlığına bağlı olan şikayətlərdir. Bu əgər hipofiz vəzisində kortizol hormonun artıqlığına bağlı şikayət varsa xəstə Kuşinq xəstəliyi dediyimiz şikayətlərlə gələcək. Dəridə çatlaqların olması, halsızlıq, piylənmə, menustUrasiya pozğunluğu və s. Akromeqaliya böyümə hormonunun artıqlığı ilə gedən bir xəstəlik olub bu xəstələrdə daha çox halsızlıq, tez yorulma, tərləmə, əldə, ətraflarda, ayaqlarda böyümə və s. şikayətlərlə gələr. Prolaktin istehsalına bağlı bir artmış adenom varsa bu cür xəstələrdə, xüsusən qadınlar arasında süd vəzilərində süd gəlmə, cinsi sahədə müəyyən problemlərin olmağı bu xəstələrin əsas şikayətlərindən hesab olunur. Ümumiyyətlə, hipofiz xəstəlikləri böyüklərdə ən çox, erkən olaraq cinsi sfera ilə əlaqədar simptomokompleks əsas müraciət səbəbidir. Uşaqlarda isə inkişaf geriliyi, boy qısalığı, piylənmələr erkən görülən simptomlardan biridir. Hipofiz vəzində tam tərsinə hormon yetərsizliyini həkimə müraciətin ikinci səbəbi kimi qəbul edirik. Bu cür xəstələrdə hormon yetərsizliyi əgər təcilidirsə qan təzyiqinin düşməsi və xəstədə kortizol hormonu ilə bağlı bir yetərsizlik varsa iştahasızlıq, halsızlıq, çəki defisiti önəmli şikayətlərdən biridir. 3-cü qrup əsas şikayət isə bu cür xəstələrdə düyünün, adenomun yaratdığı, lokal kütlə effektidir. Hansı ki, bu xəstələrdə baş ağrıları, görmə sahəsində olan hansısa dəyişikliklər, görmə sahəsinin daralması çox aktualdır. Çünki hipofiz vəzi görmə çarpazına yaxın yerləşir, hipofiz vəzində inkişaf edən törəmələr və kütlələr görmə çarpazına təsir edərək xəstələrdə görmə problemlərinə hətta korluğa gətirib çıxara bilər. Hipofiz vəzi xəstəlikləri çox çeşidlidir. Bunların əlamətləri hormon artıqlığına və həmin xəstəliyə uyğun bir klinik tablo və yaxud da yetərsizliklə əlaqədar hormon çatışmazlığına bağlı bir haldır. Misal üçün əgər qalxanvari vəzin hormon istehsalından məsul olan TSH hormonunun bir defisiti varsa bu xəstələrdə hipotiroidizm əlamətləri olacaq. Hərəkətlərdə yavaşıma, duyğularda kütləşmə, saç tökülməsi, qəbizlik, əldə, ayaqda, üzdə və göz ətrafında şişkinlik və s. hipotiroidizm şikayətləri ilə xəstə baş vuracaqdır. Yəni çox çeşidlidir. Bir də hipofiz xəstəliklərinin biri arxa hipofizə aid olan şəkərsiz diabet xəstələrində çox su içmə, çox sidiyə çıxma olur ki, bu da hipofiz xəstəlikləri ilə bağlı ayrıca bir xəstəlikdir. Xəstələr bu kimi çox çeşidli və rəngarəng klinik tablo ilə həkimə baş vura bilərlər. Hipofiz vəzi xəstəlikləri çeşidli verdiyi şikayətlərə bağlı olaraq nevropatoloqlara, psixiatrlara, ginekoloqlara, androloqlara və başqa cürbəcür ixtisas sahibi həkimlərə müraciət edirlər. Bu da xəstəliyin yaratdığı çeşidli şikayətlərlə əlaqədardır. Səbəb hipofiz vəzində tapılırsa, o zaman xəstələr endokrinoloqlara adətən ikinci olaraq gəlirlər.