Ghar Badal & Aatmagyan (घर बदल & आत्मज्ञान) : скачать в хорошем качестве

Ghar Badal & Aatmagyan (घर बदल & आत्मज्ञान) :

Ghar Badal & Aatmagyan (घर बदल & आत्मज्ञान) रहातं घर बदलायचं हा एक इतका मोठा त्रासदायक उपक्रम असतो की त्याला एक दिव्यंच म्हणावं लागेल. पण या दिव्यातून जाताना जे दिव्यं आत्मज्ञान प्राप्त झालं त्याची एक झलंक.... 😁 नुस्ती आठवण सुद्धा करी काळजाचं पाणी काय सांगू तुम्हाला घर बदलाची कहाणी कपड्यांचे ढिग आले कपाटातून खाली पोतभर गोष्टी ज्यांना कोणी नाही वाली अर्ध्यामूर्ध्या गोष्टींचे तर कितीतरि सेट कोण जाणे इतके 'मग' दिले कोणी भेट माळ्यावरच्या खोक्यात आजोबांची मच्छरदाणी. काय सांगू तुम्हाला घर बदलाची कहाणी चार किसण्या दहा पीलर झारे छोटे मोठे उभे बसके कुकर प्रेशर पॅन ठेऊ कुठे प्लॅस्टिकच्या डब्ब्यांची  तर मायंदाळी होती. फुक्कट येतात घरी तरी लळा लावती  किती हव्यासाच्या खूणा कशा दिसती ठिकठीकाणी काय सांगू तुम्हाला घर बदलाचि कहाणी ठेवणीतले कप त्यांना लागत नाही हात धुवून पुसून  बसतात पुन्हा कपाटाच्या आत नाही म्हणता हाती येतात फोटो जुने जुने डोळ्यापुढे स्पष्ट दिसतात कललेली उने काम पडे बाजू त्यात जीव रमे खुळ्यावाणी काय सांगू तुम्हाला घर बदलाचि कहाणी आटोपशीर संसाराची कशी असते कला अर्ध्या गोष्टी होत्या हे तर माहितच नव्हतं मला अश्या फालतू गोष्टींवरती संसाराची नीव कशाकशात अडकलेला असतो आपला जीव नवीन घरात जागेची का होते आणीबाणी काय सांगू तुम्हाला घर बदलाचि कहाणी कशासाठी करतो आपण गोळा हा पसारा काडी काडी जमा करण्यात जन्म जातो सारा घ्यावे लागते दानशूर कर्णाचे मग रूप काय कोणा द्यावे यावर चर्चा फुकट खूप जड होतं मन त्यावर सोडताना पाणी काय सांगू तुम्हाला घर बदलाचि कहाणी घर बदल म्हणजे आत्मज्ञानाचाचं झरा दिसतो आपल्याला आपला चेहरा खराखुरा संसारातून मन काढून घ्या म्हणणे सोपे मनात खोल रुजली असतात आसक्तीची रोपे चाल बदलून म्हणतो आपण तीच जुनी गाणी काय सांगू तुम्हाला घर बदलाचि कहाणी सुचेता 17/12/25 #marathi #vinodi #vinodikavita #marathikavita #humorouswriting