Eshoni Sudur ziyoratgohi | Boysun | Rahmatova Bahora Furqat qizi скачать в хорошем качестве

Eshoni Sudur ziyoratgohi | Boysun | Rahmatova Bahora Furqat qizi

Ushbu video Toshkent davlat sharqshunoslik universiteti talabasi Rahmatova Bahora Furqat qizi tomonidan “Raqamli tarix” fani bo‘yicha yakuniy imtihon loyihasi doirasida tayyorlangan. Mavzu: Boysun tumani Gaza mahallasida joylashgan Eshon Sudur ziyoratgohi tarixi va uning xalq xotirasidagi o‘rni. Tadqiqot metodi: Og‘zaki tarix. Manzil: Surxondaryo viloyati, Boysun tumani, Gaza mahallasi. Tarixiy ma’lumot: Eshon Sudur — Boysun tumani Gaza mahallasida yashab o‘tgan, xalq orasida ma’naviy yetakchi va ma’rifat peshvosi sifatida tanilgan tarixiy shaxsdir. U 1861-yilda tug‘ilgan, boshlang‘ich bilimini otasidan olgan va keyinchalik Buxorodagi Mir Arab madrasasida tahsil olgan. 1922-yilda Buxoro amiri Amir Olimxon Afg‘onistonga hijrat qilganida, Eshon Sudur ham u bilan birga ketadi, biroq vatanga bo‘lgan muhabbati uni Boysunga qaytishga undaydi. 1924-yilda mustabid tuzum tomonidan hozirgi ziyoratgoh hududida otib tashlangan. Shu yerda uning ukasi Boboxon Eshon ham dafn etilgan. Bugungi kunda Eshon Sudur xotirasi mahalliy aholi tomonidan e’zozlanib, hayot yo‘li va ma’naviy merosi og‘zaki tarix orqali avlodlarga yetkazib kelinmoqda. Suhbatdosh : Shamsiyev Jo‘ra Fayzullayevich — (1963-yil 14-iyulda tug‘ilgan), Eshon Sudur boboning nevaralaridan biri, ushbu ziyoratgohni bunyod etish ishlariga bosh-qosh bo‘lgan, ilgari kolxozda ishlagan, hozirda nafaqada. Qisqacha mazmuni: Video davomida suhbatdosh Eshon Sudurning hayoti, vatanparvarligi, xalq orasidagi obro‘-e’tibori va ziyoratgohning bugungi ahvoli hamda uning mahalla hayotidagi ma’naviy ahamiyati haqida so‘zlab beradi. Shuningdek, ziyoratgohning qayta tiklanishi va obodonlashtirilishi jarayonlari yoritiladi.