Lənkəranlı “Nənələr” скачать в хорошем качестве

Lənkəranlı “Nənələr”

Lənkəranlı “Nənələr” Musiqinin yaşı bəşər övladının yaşı ilə eynidir. Mahnı isə musiqinin ən populyar janrıdır. Mahnılar ifa olunduqca cilalanır, yadda qalır, sevilir və nəsildən-nəsilə ötürülürdü. Zaman keçdikcə də mahnıların sırasında ən çox xalq mahnıları üstünlük təşkil etməyə başladı. Azərbaycanda xalq mahnılarının müəllifi, sözüz ki, «xalq» deyildi, konkret şəxslər idi. Amma o dövrlərdə musiqilərin nota alınmaması və ya səsyazma sistemi olmadığı üçün, belə mahnı müəlliflərinin adı unudulur və məşhurlaşan bu mahnılar «xalq mahnısı»na çevrilirdi. Əmək mahnıları xalq yaradıcılığının ən qədim janrıdır. Bu mahnılar arasında ən geniş yayılanları maldarlıqla bağlıdır. Azərbaycanda Masallı, Lənkəran, Lerik və Astara rayonlarında oxunan əmək-rəqs mahnılarını qadınlar kollektiv halda ifa edirdilər. Bu mahnılara misal olaraq «Həsiri basma dolan gəl», «Ha yordu-yordu» «Ay lolo» və sair göstərmək olar. Talış və Azərbaycan xalq mahnılarının, bayatıların qrup halında mahir ifaçıları Lənkəranın Separadi kəndinin sakinləri olan «Nənələr» folklor ansamblıdır. Bu qrupun hazırda 6 üzvü var. Qrupun üzvü Gülbəzək Kərimovanın dediyinə əsasən, Ulu öndər Heydər Əliyev 1997-ci ildə Lənkərana səfəri zamanı qrupa «Nənələr» adının verilməsini təklif edib və onlar da bu təklifi qəbul ediblər. Qeyd edək ki, qrupdakılar bir ailənin üzvləridir: iki bacı və iki gəlin. Qrupun ən yaşlıları Quliyeva Xanımbacı və Əhədova Qızvəsdir. Ansambılın bədii rəhbəri Fərhad Məmmədovdur. Ötən əsrin 70-ci illərində yaranan ansamblın repertuarında Azərbaycan və talış dillərində 100-ə yaxın mahnı və bayatı var. Məsələn, «Ay lolo», «Gəl gözəlim, naz eləmə», «Mirvari gəlin», «Almanı alma, gəlin», «Yar bağa gəldi» və sair. Lakin Gülbəzək Kərimovanın bildirdiyinə görə, qrup rəsmi olaraq 1982-ci ildə fəaliyyətə başlayıb. 2005-ci ildə müğənni İlqar Muradov və Avstraliyadan olan bir turist «Nənənlər»in qonağı olub. Avstraliyalı qonaq «Nənələr»in mahnılarını dinlədikdən sonra, onları ölkəsinə dəvət edib. Lakin ansamblın yaşlı üzvləri razı olmayıblar. Bir müddət sonra isə «Nənələr» Sevda Ələkbərzadə və «Natiq Ritm Qrupu» ilə birgə «Ay lolo» xalq mahnısının yeni versiyasını oxuyub. 2014-cü ildə isə ABŞ-dan olan kinorejissor Azərbaycanda sənədli film çəkərkən nənələri də lentə alıb. Bir neçə gün öncə qrupun ən yaşlı üzvü olan Quliyeva Xanımbacı Rusiya kinematoqrafçıları tərəfindən bədii filmdə çəkilmək dəvəti alıb. Qrupun ən yaşlı üzvünün 76, ən cavan üzvünün isə 52 yaşı var. «Nənələr» folklor qrupunun bədii rəhbəri Azad Kərimli çoxdandır ki, nənələrlə birgə fəaliyyət göstərir. Onların ölkə miqyaslı tədbirlərdə iştirakına yaxından köməklik göstərən bədii rəhbər, ağbirçək nənələrimizə hər zaman dəstəkdir.