അഷ്ട തത്വങ്ങള്‍ | മൗലാനാ നജീബ് മൗലവി скачать в хорошем качестве

അഷ്ട തത്വങ്ങള്‍ | മൗലാനാ നജീബ് മൗലവി

"നീ എത്ര വർഷമായി എന്നോട് സഹവസിക്കാൻ തുടങ്ങിയിട്ട്?" "മുപ്പത്തി മൂന്ന് വർഷം.." "എന്നിട്ട്, നീ എന്തു നേടി?" "എട്ടു തത്വങ്ങൾ മാത്രമാണ് ഞാൻ പഠിച്ചെടുത്തത്." "ഇന്നാലില്ലാഹ്.......ആകെ തുലഞ്ഞല്ലോ. ഇത്ര വർഷമായിട്ടും എട്ടു കാര്യങ്ങൾ മാത്രമേ എന്നിൽ നിന്നും നിനക്ക് ലഭിച്ചുളളൂ!!" "അതെ, പ്രിയ ഗുരൂ, ഞാൻ കളവ് പറയുന്നില്ല..സത്യമാണിക്കാര്യം..." "ആവട്ടെ, ഏതാണാ അഷ്ടതത്വങ്ങൾ? പറയൂ.." ശഖീഖുൽ ബൽഖി എന്ന ഗുരുവും ഹാതമുനിൽ അസ്വമ്മാകുന്ന ശിഷ്യനും തമ്മിൽ നടന്ന സംഭാഷണമാണിത്.. കുളിപ്പിക്കുന്നവന്റെ കയ്യിൽ മയ്യിത്ത് ഏതു വിധത്തിലാണോ അപ്രകാരം സ്വന്തത്തെ അദ്ധ്യാത്മ ഗുരുവിനു സമർപ്പിക്കുന്ന ശിഷ്യർ സൂഫീ ചരിത്രത്തിൽ അസംഖ്യമുണ്ട്. അതിലൊരു ഗുരുവും ശിഷ്യനുമാണിവർ. ഒന്ന്, രണ്ട്, മൂന്ന്.......ഹാതം തത്വങ്ങൾ എണ്ണിപ്പറയാൻ തുടങ്ങി. ഓരോന്ന് കഴിയുമ്പോളും ഗുരു പ്രസന്നവാനായി...അടുത്തത് കേൾക്കാൻ ജിജ്ഞാസുവായി... എട്ടാമത്തെതും എണ്ണിക്കഴിഞ്ഞ് ഹാതം ഗുരു മുഖത്ത് നോക്കിയപ്പോൾ പ്രസാദത്തോടെ അദ്ദേഹം മൊഴിഞ്ഞു. " ഞാൻ തൗറാത്തെന്ന മൂസനബിയുടെ വേദവും ഈസാനബിക്കിറക്കപ്പെട്ട ഇഞ്ചീലെന്ന കിതാബും ദാവൂദ്നബിയുടെ സങ്കീർത്തന വേദമായ സബൂറും മുത്ത് നബിക്കിറക്കപ്പെട്ട വിശുദ്ധ ഖുർആനും മനസ്സിലാക്കിയിട്ടുണ്ട്. അവയുടെയെല്ലാം ആകെത്തുക ഈ അഷ്ടതത്വത്തിലുൾക്കൊണ്ടിട്ടുണ്ടല്ലോ....." ഈ അഷ്ടതത്വങ്ങളുടെ മനോഹരമായ വിവരണം നമുക്കും കേൾക്കാം.