Forcat e Armatosura angazhohen në situatën e përmbytjeve скачать в хорошем качестве

Forcat e Armatosura angazhohen në situatën e përmbytjeve

Forcat e Armatosura në gatishmëri të plotë për përpallimin e situatës së krijuar nga përmbytjet Si pasojë e reshjeve të fundit që kanë rënë në vendin tonë, Ministria e Mbrojtjes dhe Forcat e Armatosura janë angazhuar në përballimin e situatës së krijuar, kryesisht në jug të vendit. Trupa të shumta dhe mjete të Forcave të Armatosura po vijonë punën në terren pa u ndalur prej disa orësh për eliminimin e pasojave të shkaktuara nga reshjet dhe për përballimin e situatës së krijuar. Për përballimin e situatës së krijuar nga përmbytjet e shumta, në dispozicion të operacionit të emergjencave është venë edhe Forca Ajrore. Në qytetin e Memaliajt, Forca Ajrore bëri të mundur evakuimin me helikopter të shtetasit, Fatos Vranozi, i cili kishte mbetur i bllokuar nga vërshimi i madh i ujërave, në çatinë e lokalit të tij. Gjatë ditës së sotme efektivët e FA në Qarkun e Beratit bënë të mundur evakuimin e 9 familjeve, të cilët kishin mbetur të izoluar për shkak të përmbytjeve. Gjithashtu Forcat e Armatosura janë në gatishmëri edhe ne qytetin e Vlorës me trupa dhë mjete për t’i ardhur në ndihmë qytetarëve të bllokuar nga reshjet dhe vërshimet e ujërave. Ndërkohë drejtuesit e Ministrisë së Mbrojtjes dhe Forcave të Armatosura po ndjekin situatën e krijuar nga përmbytjet, në Qendrën e Bashkuar Operacionale.