Christ is Questioned! Matthew скачать в хорошем качестве

Christ is Questioned! Matthew

മത്തായി 15: 21 - 28 കർത്താവ് ചോദ്യം ചെയ്യപ്പെടുന്നു! യേശു വിശ്രമിക്കാൻ ശ്രമിക്കുന്നുണ്ടെങ്കിലും അനേകം പേര് യേശുവിനെക്കാണാൻ വരുന്നുണ്ട്. അതോടൊപ്പം ശിഷ്യഗണവും യേശുവിന്റെ ശിഷ്യരാകുവാൻ ആഗ്രഹിച്ചു അവന്റെ പിന്നാലെ ചെല്ലുന്ന അനേകം പേരുമുണ്ടാകാം. ശിഷ്യന്മാരുൾപ്പെടെ അതില്പലരും യെഹൂദന്മാരായിരുന്നു. അതിന്റെ ഗർവുള്ളവരും. അവരുടെ മുൻപിൽവച്ചാണ് യേശുക്രിസ്തു യെഹൂദർക്കുള്ള രക്ഷയുടെ അനുഭവം യെഹൂദരല്ലാത്തവർക്കു നൽകില്ല എന്ന് പറയുന്നത്. കനാന്യസ്ത്രീയുമായുള്ള യേശുക്രിസ്തുവിന്റെ ഒരു ഡെലിബറേഷനും അഥവാ പര്യാലോചനയും ഡിസ്കഷനും അഥവാ സംവാദവുമാണ് ഇവിടെ നടക്കുന്നത്. ഒരു നിമിഷത്തേക്ക് വെറും യെഹൂദൻ മാത്രമായി മാറിപ്പോകുന്ന യേശുവിന്റെ മനുഷ്യത്വത്തെ ചോദ്യം കരളുറപ്പോടെയും അവധാനതയോടെയും ചോദ്യം ചെയ്യുന്ന കനാന്യ സ്ത്രീ ദൈവീകമായ തീരുമാനത്തിലേക്കാണ് യേശുവിനെ എത്തിക്കുന്നത്. ഈ സംവാദത്തിൽ സത്യവും അസത്യവുമായുള്ള ഒരു ഉരസലുണ്ട്. അസത്യത്തിനുമേൽ വളരെ കൃത്യവും എന്നാൽ വിദ്വേഷരഹിതവുമായുള്ള ഒരു ഇടപെടൽ ഉണ്ട്. ക്രിസ്തുവിന്റെ വരവ് യെഹൂദജനത്തിനു വേണ്ടി മാത്രമുള്ളതാണെന്നുള്ള ചിന്ത അസത്യമാണ്. അടിമത്തവും കഷ്ടതയും അനുഭവിക്കുന്നവരോടാണ് ദൈവം പ്രത്യേകമായ അനുഭാവം കാണിക്കുന്നത്. നായ്കുട്ടികൾ മേശയിലെ അപ്പനുറുക്കുകൾ തിന്നുന്നു എന്ന് പറയുമ്പോൾ കനാന്യ സ്ത്രീ രണ്ടു ധാരണകളെ ഒരേ സമയം പൊളിക്കുകയാണ്. ഒന്നാമത്തേത് യജമാനന്റെ കൃപയിൽ, റിസോർസുകളിൽ യെഹൂദരേതർക്കു പങ്കില്ല എന്ന ചിന്തയെ. രണ്ടാമത്തേത് യെഹൂദരേതർ നായ്ക്കുട്ടികൾക്കു സമമായി ജീവിക്കേന്ദവാരാണ് എന്ന യെഹൂദചിന്തയെ. ആശയങ്ങൾക്കുമേലുള്ള സംവാദം നമ്മോടു സംവദിക്കുന്നവരുടെ ആദരവും പിടിച്ചുപറ്റും. "സ്ത്രീയെ, നിന്റെ വിശ്വാസം വലിയത്!" സംവാദത്തിൽ മറുപുറത്തുള്ള വ്യക്തി ആശ്ചര്യപ്പെടുകയാണ്. സംവാദങ്ങൾ സത്യത്തിനുവേണ്ടി തലയുയർത്തിപ്പിടിച്ചു നിൽക്കാനുള്ള ആഹ്വാനം കൂടിയാണ്. കനാന്യസ്ത്രീ ചെയ്യുന്നതാണ്. മുറിവുകളുടെ ആഴം കൂട്ടുകയല്ല അവളുടെ ലക്‌ഷ്യം. അത് ഉണക്കുകയെന്നതാണ്. സത്യത്തെ നമുക്ക് മുഖാമുഖമായിനിന്നു നേരിടേണ്ടതുണ്ട്. അപ്പോഴാണ് അസത്യത്തിന്റെ ശക്തികളെ കീഴ്പെടുത്താനാവുക. കനാന്യ സ്ത്രീ സംവാദമുഖങ്ങളിൽ നമുക്ക് ഒരു വെല്ലുവിളിയാണ്. സത്യത്തിനു വേണ്ടി ശിരസ്സുയർത്തിപ്പിടിക്കുവാൻ, സ്നേഹത്തിന്റെ ഭാഷ സംസാരിക്കുവാൻ, ആശയങ്ങളെ മനനം ചെയ്യുവാൻ, ദൈവകൃപയുടെ കൂട്ടുപങ്കാളികളാണ് നാമെന്നത് തിരിച്ചറിയുവാനെല്ലാം ഉള്ള വെല്ലുവിളി. എങ്ങനെയാവും നാം ആ വെല്ലുവിളിയെ നേരിടുക?