11 மாத குழந்தையின் உயிரைக் காப்பாற்ற ஒன்றிணைந்த மக்கள் - TV9 скачать в хорошем качестве

11 மாத குழந்தையின் உயிரைக் காப்பாற்ற ஒன்றிணைந்த மக்கள் - TV9

ஆந்திராவில் 11 மாத குழந்தையை காப்பாற்ற மக்கள் ஒன்றிணைந்து மேற்கொள்ளும் போராட்டம் தற்போது பெரும் கவனத்தை ஈர்த்துள்ளது. கர்னூல் மாவட்டத்தை சேர்ந்த ஜம்பாலா மங்கள புனர்விகா என்ற 11 மாத குழந்தை, அரிதான மற்றும் உயிருக்கு ஆபத்தான ஸ்பைனல் மஸ்குலர் அட்ரோபி என்ற மரபணு நோயால் பாதிக்கப்பட்டுள்ளது. இந்த நோயால் குழந்தையின் தசைகள் பலவீனமடைந்து, உடல் இயக்கங்கள் மிகவும் குறைந்து வருகின்றன. புனர்விகாவுக்கு ஐந்து மாதம் இருக்கும்போது கழுத்தை நேராக பிடிக்க முடியாமல், கால்களை அசைக்க சிரமம் ஏற்பட்டது. தொடர்ந்து நடத்தப்பட்ட மருத்துவ பரிசோதனைகளில் இந்த அரிய நோய் உறுதி செய்யப்பட்டது. மருத்துவர்கள் உடனடி ஜீன் தெரபி சிகிச்சை மட்டுமே குழந்தையின் உயிரைக் காப்பாற்ற முடியும் என்று தெரிவித்துள்ளனர். ஆனால், அதற்குத் தேவையான சோல்ஜென்ஸ்மா மருந்தின் விலை 16 கோடி என்பதால், குடும்பம் கடும் பொருளாதார சிக்கலில் சிக்கியுள்ளது. குழந்தையின் தந்தை சுரேஷ்குமார் பொதுமக்களிடம் உதவி கோரி நிதி திரட்டும் முயற்சியை தொடங்கினார். அவரது வீடியோ சமூக வலைதளங்களில் வைரலாகி ஆயிரக்கணக்கான மக்களின் மனதை உருக்கியது. இதையடுத்து Save Punarvika என்ற ஹேஷ்டேக் சமூக வலைதளங்களில் டிரெண்டாகி, மாநிலம் முழுவதும் மனிதநேய இயக்கமாக மாறியுள்ளது. விஜயவாடாவில் யூடியூபர்கள், இன்ஸ்டாகிராம் இன்ஃப்ளூயன்சர்கள், இளைஞர் அமைப்புகள் விழிப்புணர்வு ஏற்படுத்தி நிதி சேகரித்து வருகின்றனர். ஆட்டோ ஓட்டுநர்கள் தங்களால் இயன்ற அளவில் நன்கொடை வழங்கியதுடன், பள்ளி மாணவர்கள் கூட தங்களது சேமிப்பு பணத்தை வழங்கி குழந்தையை காப்பாற்ற முன்வந்துள்ளனர். அரசின் உதவியும், பொதுமக்களின் ஆதரவும் கிடைத்தால் தனது மகளின் உயிரை காப்பாற்ற முடியும் என்ற நம்பிக்கையில் பெற்றோர் காத்திருக்கின்றனர். Website : https://www.tv9tamilnews.com/ Tv9 Tamil is 24 hours free air News channel TV9 Tamil | Top News Of The Day | Tamil Top News TV9 Tamil News Channel Coming Soon... #SavePunarvika #PeopleMovement #Child #RareDisorder #tv9tamil #tamilnadunews #tamilNews #news #tv9