ILHA 70 SENA TAĦDEM F’ĦANUT TAX-XORB FIL-MELLIEĦA скачать в хорошем качестве

ILHA 70 SENA TAĦDEM F’ĦANUT TAX-XORB FIL-MELLIEĦA

ONE.COM.MT • Fis-servizz li jmiss se nsegwu intervista ma’ mara li rrakkuntat sebgħin sena esperjenzi ta’ xogħol f’ħanut tax-xorb fil-Mellieħa. Il-ħanut imur lura għal iktar minn seklu ilu u Ġuża Zarb bdiet tferra x-xorb meta kienet għadha daqxejn ta’ tifla. KITBA: DEBORAH CILIA FILMAT: SHAUN CUCCIARDI Mara taħdem f’ħanut tax-xorb li tul is-snin dejjem kien iddominat mill-klijenti rġiel. Ġuża Zarb ilha taħdem f’ħanut tax-xorb fil-Mellieħa għal sebgħin sena. Hija spjegatilna kif il-ħanut kien intiret minn ġenerazzjoni għall-oħra u bdiet titrawwem fil-ħanut tax-xorb mal-ġenituri tagħha biex eventwalment xtrat il-ħanut u bdiet taħdem għal rasha. ĠUŻA ZARB SID TA’ ĦANUT TAX-XORB “Minn meta kelli tmien snin... magħhom kont. Imbagħad bqajt, imbagħad mituli l-ġenituri, f’salt, f’seba’ xhur u xtrajtu m’għand ħuti.” Ġuża qaltilna wkoll li l-ħanut ilu miftuħ għal għexieren ta’ snin. ĠUŻA ZARB SID TA’ ĦANUT TAX-XORB “Jien naħseb ilu miftuħ, jekk mhux qabel il-Knisja, naħseb xi 120 sena, bejn wieħed u ieħor tan-nanniet ta, għax imbagħad fil-familja tiegħi, jiġifieri t’ommi u ta’ missieri ilu sebgħin sena.” Kif wieħed jista’ jobsor, f’ħanut tax-xorb rat episodji kkuluriti ferm. ĠUŻA ZARB SID TA’ ĦANUT TAX-XORB “Darba ġie Ingliż kien fis-sakra u ġie hawn u mar il-każin, u reġa’ ġie hawn, imbagħad reġa’ mar il-każin u ġabulu l-Pulizija u kien ġabruh il-Pulizija niftakar, qisu daqs tmien snin ilu.” Issemmi wkoll klijenti li kienu tar-ruħ u jaqilgħu u jieklu. Darba minnhom ma rritornawx għall-qatra fil-ħanut ta’ Ġuża. ĠUŻA ZARB SID TA’ ĦANUT TAX-XORB “Kienu żewġ ġuvnotti ferriħin, hekk u kienu ħarġu fuq il-baħar, kien għandi jkun fi Frar u marru għal xi ħut u ma nstabux u wara tliet ġimgħat instabu mejtin.” Ġuża esprimiet magħna x-xewqa tagħha li tħalli l-ħanut f’idejn uliedha u t-tfal tagħhom. ĠUŻA ZARB SID TA’ ĦANUT TAX-XORB “Hekk il-ħsieb tiegħi, issa kif jgħiduha, min jixtieq jieħdu, jieħdu hux. Issa ma nafx jien x’ħa jsir wara mewti.” B’dan il-kliem, lil Ġuża ħallejnieha tkompli tipprepara l-ħanut biex ikun lest biex jilqa’ l-klijenti.