Adam öldürüb çarpayının altına qoydular, qız gətirib həmin çarpayıda sevişdilər -Neftçilərdə... скачать в хорошем качестве

Adam öldürüb çarpayının altına qoydular, qız gətirib həmin çarpayıda sevişdilər -Neftçilərdə...

Bu cinayət hadisəsinin ilkin siqnalı Xətai Rayon 35-ci Polis Bölməsinə daxil olan məlumatda idi. Məlumatda bildirildi ki, Əhmədli qəsəbəsi, Nəsrəddin Tusi küçəsindəki 6 nömrəli evin 114 nömrəli mənzilində yaşayan Emin Ağayev bir gün əvvəl, təxminən saat 19 radələrində evdən çıxıb və geri qayıtmayıb. Emin Ağayev Bakı Biznes Universitetinin 5-ci kurs tələbəsi olub. İlkin sorğu-sual zamanı valideynləri onun Bərdə rayonuna getmək fikrində olduğunu deyiblər. Xətai Rayon Polis İdarəsində dindirilmiş Gülrazi Ağayev bildirib ki, sonuncu dəfə Emin pul qazanmaq məqsədilə anasına Bərdəyə gedərək xiyar alacağını və Bakıda 8-ci kilometr bazarında öz təbirincə desək, “vasmoyun bazarında” satacağını deyib. Üstündə 50 dollar olduğu halda evdən əlavə 100 dollar da pul götürüb. Eminin yoxa çıxmasından xəbər tutan İlham adlı dostu onun atasına bir nəfəri göstərib və oğlunun məhz onunla Bərdə rayonuna getməyə hazırlaşdığını bildirib. Atası müəyyən vasitələrlə Bəhruz adlı oğlanın şəhərə Yevlaxdan gəldiyini və burada kirayədə yaşadığını öyrənib. Şübhələri Emin Ağayevin atasını Yevlax şəhərinə gətirib çıxarıb. O, Bəhruzun yaşadığı evi tapıb, onun valideynləri ilə görüşüb və artıq həmin oğlanın Moskvaya getdiyini öyrənib. Əməliyyatçılar tərəfindən iş araşdırılsa da, Emin Ağayevin harada olmasına dair faktlar müəyyən olunmayıb. Eminin itkin düşməsindən 8 gün sonra Nizami Rayon 24-cü Polis Bölməsinə Bəhruz Nuriyev küçəsi, 27, mənzil 48-də yaşayan Valeh Qəniyev müraciət edərək, kirayə verdiyi 47 nömrəli mənzildən pis qoxu gəldiyi barədə məlumat verib. Deyilən ünvana ev sahibi ilə birlikdə yollanan polis əməkdaşları mənzilə baxış keçirərkən, çarpayının altında iki qadın və bir kişi meyiti, stulun üzərində isə boş siqaret qutusu, 5 ədəd siqaret kötüyü, stəkan, soğan və pivə şüşələri aşkar ediblər. Hadisənin bir neçə gün əvvəl baş verdiyi ehtimal olunub. Ev sahibi bildirib ki, 47 nömrəli mənzil də onun ailəsinə məxsusdur. Onun sözlərinə görə, oktyabrın 27-də ev alqı-satqısı ilə məşğul olan İqbal adlı şəxs zəng edərək, iki nəfər cavan oğlanın kirayə ev axtardıqlarını söyləyib və bir neçə saatdan sonra makler həmin uşaqlarla birlikdə onun yanına gəlib. Onlar tələbə olduqlarını, ara-sıra yanlarına analarının gələcəyini bildiriblər. Bəhruz adlı oğlan ona şəxsiyyət vəsiqəsini təqdim etdiyi halda, digəri sənədinin rayonda qaldığını deyib. Evin bir aylıq kirayə haqqı olan 100 dolları dərhal ödəyiblər. Noyabrın 1-dən 7-dək mənzilə gəlib-gedən olmadığı üçün ev sahibi nədənsə şübhələnib və anası ilə birlikdə ehtiyat açarından istifadə edərək içəri daxil olmaq istəyib. Lakin pis qoxu hiss edən kimi qərara gəlib ki, polis bölməsinə müraciət etsin. Dəhşətli faktla əlaqədar Nizami Rayon Prokurorluğunda cinayət işi qaldırılıb, istintaq müstəntiq Elşad Abbasova həvalə edilib. Çarpayının altında tapılan meyitlərin şəxsiyyətləri araşdırılarkən müəyyən edilib ki, onlardan biri oktyabrın 31-dən itkin düşən Xətai rayon sakini Emin Ağayev, digərləri isə Xaçmaz rayonunda anadan olmuş, 1982-ci il təvəllüdlü Valida Əbdülkərimova və Ağstafa rayonunda anadan olmuş, 1981-ci il təvəllüdlü Ülviyyə Nəsirovadır. Ekspertiza müyyən edib ki, Valida və Ülviyyə ölümlərindən az əvvəl spirtli içki qəbul ediblər və hər ikisi orta dərəcəli sərxoş vəziyyətdə olublar. Məhkəmə-daktiloskopik ekspertiza rəyində bildirilib ki, siqaret qutusu və stəkanda olan əl barmaq izləri mərhumlardan heç birinə məxsus deyil. Valida Əbdülkərimovanın bacısı istintaqda dindirilərkən mərhumun azyaşlı uşağının olduğunu deyib. Onun sözlərinə görə, bacısı bar və restoranlarda işləyib. Oktyabrın 31-də evə zəng edərkən, bacısına uşaq üçün yemək alıb gətirməsini tapşırıb, lakin Valida yalnız səhər evə gələcəyini bildirib. Noyabrın 1-i və sonrakı günlər ərzində bacısı bir daha evə qayıtmayıb. Araşdırma zamanı hər iki qızın eyni barda, “Neftçilər” metro stansiyasının yaxınlığında fəaliyyət göstərən “VR” barında işlədikləri müəyyən edilib. #Neftçilər #çarpayi #meyit #bar #qiz #EminAgayev #ElnurHesenov #Behruzİbadov #Yevlax #cinayet #tv11 #verlis #veriliş #SerdarAmin #SərdarAmin