Kite Festival || Shri K.K.School & Home For The Blind || скачать в хорошем качестве

Kite Festival || Shri K.K.School & Home For The Blind ||

#kitefestival #kite પતંગ મહોત્સવ -૨૦૨૬ તા.૧૩-૦૧-૨૦૨૬ નાં રોજ શ્રી કૃષ્ણકુમારસિંહજી અંધ ઉદ્યોગ શાળા અને રાષ્ટ્રીય અંધજન મંડળ ભાવનગર જીલ્લા શાખાનાં સંયુક્ત ઉપક્રમે પતંગ મહોત્સવ-૨૦૨૬ કરવામાં આવ્યું હતું. બંધ આંખે સુરજને આંબતા પતંગને બાળકો પોતાની આંતરિક આંખે નિહાળી ઉત્સવમાં આનંદની હેલી સાથે જોડાયા હતા. તો કેટલાંક બાળકો પ્રજ્ઞાની પાંખે ઉડતા પતંગની ગુલાટને સ્થિર કરવા બંધાયેલી કન્નીને ઠુમકા વડે સ્થિરતા આપવા ચહેરાના ભાવોના મલકાત સાથે મોજ મસ્તી કરવા જોડાયા હતા. કારણ કે આતો ઊર્મિનો ઉત્સવ શાળાના પ્રાંગણમાં ઉજવવા આવેલો પ્રસંગ હતો. શાળાના સંચાલકો, શિક્ષકો, ઓફીસ કર્મવીરો તેના સાક્ષી બની બંધ આંખોમાં દ્રષ્ટી નાં અજવાળા પાથરવા કટીબદ્ધ બની પોતાની સેવાનો પ્રકાશ પાથરી રહ્યા હતા.જેના ઉજાસથી અભીભૂત થઇ સંસ્થાના જનરલ સેક્રેટરી શ્રી લાભુભાઈ સોનાણીએ જણાવ્યું હતું કે કોણ કહે છે અંધાપો છે જીવનનો અંધકાર હકીકતમાં એતો છે અમારા જીવનનો ચમત્કાર બાળકોએ ખરા અર્થમા ઉતરાયણને તમારી આંખોનું અજવાળું પોતીકું માની હરખની હેલી સાથે ઉત્સવને માન્યો છે અને એને મેં જાણ્યો છે.