Скачать с ютуб № 166 лицей Сәбит Баймолдиннің шығармашылығын насихаттау мақсатында әдеби кеш ұйымдастырылды. в хорошем качестве

№ 166 лицей Сәбит Баймолдиннің шығармашылығын насихаттау мақсатында әдеби кеш ұйымдастырылды.

«№ 166 лицей» КММ-сінде қазақ тілі мен әдебиеті пәні апталығының аясында қазақ поэзиясының көрнекті өкілі, ақын, Қазақстан Жазушылар Одағының мүшесі Сәбит Баймолдиннің шығармашылығын насихаттау мақсатында «Жырларымен жылу шашқан жүрекке» атты әдеби-поэзиялық кеш ұйымдастырылды. Қазақ поэзиясының көрнекті өкіліне арналып, кітап көрмесі қойылып, шығармалары жатқа оқылды. Айтып өтейік, Сәбит Баймолдиннің оннан астам жыр жинағы, таңдамалылар жинағы бар. Кешке ақынның қызы, А.Чехов атындағы қалалық кітапхананың директоры Ләйла Сәбитқызы Баймолдина, Қазақ Жазушылар одағының мүшесі, әдебиеттанушы Мақсат Дүйісмағанбетов, «Қазақ әдебиеті» газетінің тілшісі Дана Садырқан, Алатау аудандық білім бөліміне қарасты жалпы білім беретін мектептердің ұстаздары мен 6-9 сынып оқушылары қатысты. Кешті лицей директоры Ходжаева Лариса Семеновна ашты. Ол өз сөзінде ақынның мерейтойына орай жоспарланған шаралар туралы айтып, қатысушыларға сәттілік тіледі. Кеште өмірден ертерек 58 жасында кеткен ақынның шығармашылығымен қатар, азаматтық болмысы, адамгершілік қасиеттері туралы мәлеметтер де айтылды. Ақынның қызы Лейла Баймолдина әкесі туралы жүректе ұмытылмастай есте қалған керемет сәттер жайлы тербініспен айтып берді, ақынның туған жеріне деген сүйіспеншілігі айрықша болғанын атап айтты. Лицей кітапханасына арнап бірнеше кітаптарды сыйлыққа тартты. Енді лицейдің жас оқырмандары жыл бойы оның шығармаларын оқып, жіті танысатын болады. Әдебиеттанушы Мақсат Дүйісмағанбетов мағыналы сөз сөйлеп, өзінің ақын рухына арнаған жырын оқып берді. Кеш барысында № 166 лицейдің талантты жастары өлең оқып, ән айтып, би билеп, көпшіліктің ризашылығына бөленді. Кеш аясында «С. Баймолдин оқулары» аясында «Жырларымен жылу шашқан жүрекке» атты ақын өлеңдерін мәнерлеп жатқа айту байқауы мен ақын шығармалары негізінде «Іңкәр жүрек» атты тақырыпта сурет байқауы ұйымдастырылды.