Pasika n' Ubuhamya bwanjye No5. Yesu amaze KUNYEZA, intambwe yindi yabaye iyihe? Kumukorera. Gute? скачать в хорошем качестве

Pasika n' Ubuhamya bwanjye No5. Yesu amaze KUNYEZA, intambwe yindi yabaye iyihe? Kumukorera. Gute?

(1) Yesu amaze KUNYEZA, intambwe yindi yabaye iyo kumukorera. Gute? Gusenga njyenyine narabikomeje, no kujya gusengana n'abandimu rusengero, ariko nkajya no gusura ingo z'abera n'abakennye cyane muri bo no gusengana na bo mu ngo zabo. Ariko nkajya gusura na bapasitori mu ngo zabo no gusengana na bo. Nimwumve uko nasuye bamisiyoneri ntumweyo n'Imana ikintu gikomeye cyane. (2) Intambwe yari ikaze cyane yari iyo guhamagarwa kujya guhamya imbere ya nyamukuru cyane n'abamushagaye bakuru banjye mu kazi na bagenzi banjye mu runywero rukuru iKigali: ntegekwa kunywa inzoga hamwe na bo, ndanga! Nti, nakijijwe, nihannye ibyaha byose,sinzongera kunywa inzoga no gukora ibindi byaha byose nakoraga. bambaza uko byangendekeye,ndisobanura muri make. Mba ntsinze icyo kizamini, ha Mana ariko, bivuga ngo ni Yesu wambashishije ubwe: ariko nari narayasenze, nibaza uko nzashobora guhamiriza Yesu imbere y'abakuru banjye bose mu kazi n'urungano rwanjye. Byari binteye ubwoba, ariko nkomezwa no gusenga no kwiyemeza kuvuga ukuri kw'ibyo niyemeje n'ibyambayeho... Iyo ntambwe natsinze yatumye Yesu anyishimira, atangira kunkoresha muibanga uturimo twiza mu ibanga. (3) - Mu bihe bya Pasika ni ukuganira ku Rupfu no Kuzuka bya Yesu icyarimwe. Ariko ni no kuganira hagati yacu uburyo twamenye Yesu, ni ukuva ryari twahuye na we bwa mbere? Kandi kuva ubwo, twakurikiranye ibye gute? Twagenze urugendo na Yesu gute? Bimeze gute ubu? Abera baganira ku buzima bwabo: umwe atanga ubuhamya bwe, undi gutyo...Na ba pasitori batanga ubuhamya umwe umwe: ni kimwe mu bigize ubukrisitu nyabwo (kuganira). Kwigisha no kwigishwa amahame n'amateka dusoma cg dusomerwa muri Biblia ntibihagije: abera baraganira (ku buzima bwabo n'ubukristu bwabo). (4) Kumenya ibivugwa muri Biblia kuri Yesu mu bihe bya Pasika byatugirira umumaro mwinshi wo kwibaza ku rupfu (rw'umubiri) rwa Yesu no gusobanukirwa icyo ari cyo. Twe, se iyo twapfuye, haba habaye iki? Ni umubiri uba wapfuye. Gupfa ku mubiri ni iki ? Ikindi gihe tuganira ku rupfu rw'ubugingo icyo ari cyo, kuko Biblia ivuga ku izo mpfu zombi. (5) - Kuganira kuri Pasika bituma tuganira ku MUZUKO wa Yesu. Yarazutse koko? Ese yararyamye mu mubiri we mu mva, mu gituro? Biblia ivuga ko atarari mu uwo mubiri. Yari yagiye ahandi, mu yindi Si, umubiri ukomoka kuri nyina Mariya yawuvuyemo igiye yarapfuye ku musaraba. Ubwo yazukaga, uwo mubiri We w'igitaka Ibumba) ni wo yasubiyemo koko? Byagenze gute? (6) Kuki twe, atatubonekera ubu niba ari muzima? Kuki atabonekeye abantu bose cya gihe nyuma yo kuzuka kwe mu minsi 40 yamaze ashobora kuboneka, akabonekera gusa abantu 500 ? (7) Nyamara gucukumbura (gusoma cyane kenshi Ibyanditswe Byera kuri Yesu bijyanye na Pasika byadufasha kumenya uko tumarana umubabaro, ishavu n'agahinda kubw'urupfu rwaduhekuye abacu ba bugufi, natwe rudutegereje igihe icyo ari cyo cyose. (8) Kumenya urupfu ucyo ari cyo byagirira benshi umumaro mwinshi barwaye mu mitima kubera ababo benshi bishwe nabi, bagifite ibikomere ku mutima, no ku mubiri bagifite inkovu cg gihamya ku mubiri ko bakize urupfu, ariko bakaba bacyuzuye agahinda n'ishavu byinshi mu mitima yabo, kuko kwibuka uru rupfu wasimbutse, rugatwara abawe bigusubiza mu kiriyo, mu kirirarira no mu cyunamo nkaho byongeye kuba ubu mu iyi minsi turimo. (9) Umuti wakuvura umutima neza ni ukumenya no kwizera ko ku bari muri Yesu, (abakiranutsi), hari umuzuko mwiza ubategereje. Yesu azaberekana ko ari bazima umunsi umwe: ni byo byitwa Umuzuko w'Abera. Erega n'ubu, abapfiriye muri Yesu, aho bari mu Bwami bwe no muri Paradizo, ni bazima. Erega nawe wowe uri muri Yesu wasezeye ku byaha byose, uri muzima mu mutima, kubwa Yesu uramya uhimbaza buri munsi. (10) Nyamara utari muri Yesu, ni ukuvuga udakiranuka cg utararetse ibyaha, aracyafite urupfu rw'iteka rubi mu mutima we, rumugendamo, kandi amaherezo ye ni mabi cyane; rwamuvamo ari uko yihannye ibyaha byose akemera Yesu Umucunguzi ko abimukiza, akamuha ubuzima (kuba muzima mu mutima we). Yesu ahabwe icyubahiro. Amen