Тегнета пита - мазник скачать в хорошем качестве

Тегнета пита - мазник

Мазникот со тегнети кори на прв поглед изгледа како предизвик за секого од нас. Но, она што изгледа тешко, всушност е мошне лесно. Следете ме во следните неколку минути додека ја приготвувам оваа пита и Ви ветувам дека на најлесен начин ќе научите да го направите најдобриот домашен мазник. Потребни состојки: 500 г брашно 280 г млака вода прстофат сол прстофат пециво За филот: 500 г урда 3 јајца сол по вкус, опционално За да ја подготвите питата замесете тесто од брашното, водата и додајте сол по вкус. Оформете тесто и оставете тестото да одмори околу 10 минути на собна температура. Поделете го тестото на 4 еднакви делови и секој дел оформете го во топче кое потоа ќе го притиснете со помош на дланките. Секое од парчињата тесто премачкајте ги со масло за јадење и оставете ги да одстојат 5-10 минути. За да го подготвите филот промешајте ги урдата и јајцата заедно и тргнете на страна. Премачкувањето на тестото со масло за јадење придонесува за истото полесно да се тегне во тенка кора при подготовката на мазникот. На чист чаршаф ставете ја првата кора и со помош на намастени раце започнете да ја тегнете. Доколку забележите дека кората не се тегне лесно оставете да отстои уште 3-4 минути за да се впие масло во тестото, а потоа продолжете со тегнењето. Кога ќе ја истегнете кората, нанесете од претходно подготвениот фил со урда. Пропрскајте со малку масло за јадење. Доколку не сакате да имате дебели краеви со помош на нож отстранете ги истите и со помош на чаршафот превиткајте ја кората во тенок ролат. Целата кора превиткајте ја во форма на полжав, а потоа ставете ја во тавчето во кое ќе ја печете питата. Печете во загреана рерна на 190 степени околу 30-тина минути или додека не добие убава златно-кафена боја. Со нетрпение очекувам да дознаам, како Ви се допадна овој рецепт, а истовремено пишете ми во коментари што би сакале да Ви приготвам на мојот YouTube канал следно. Забавно готвење!