رائعة صلاح بن الباديه: يا جنا скачать в хорошем качестве

رائعة صلاح بن الباديه: يا جنا

الشوق والوطن - يا جنا - صلاح ابن البادية كلمات : #هاشم_صديق الحان و غناء : #صلاح_بن_البادية كلمات الاغنية : يا جنا .. اه يا جنا .. فى بعادنا عن أرض الحُنان الليلة مرت كم سنه وا شوقنا لى نخل الفريق الضامى فى سَدْرو الجنا للحلوه ام وجهاً قَمر ضواى مورد بالمنى الليلة زارتنا الرؤى المنسوجه من عُمق الجذور رَسَمت صور ضّوت جمال وجوَّه الخيال عاشت دهور أفراح فريق يوم الحصاد وزغروده وِصلت للسحاب وعريس مُعَطّن بالعطور وجهاد فتح درب الصباح وشهيد مُلَفّح بالزهور وشباب بعز ديمة الأرض شايل مبادى نضالُو نور وفْـ مره طار بينا الخيال بعد الغياب الطال جرح شوفنا البخور فى الليل عَبَق والليل شرب عطر الطَّلِح والقمرة نامت فى الرمال والطين شِرِب نديان صِبِح وحَدَا الصريف قام الخدار حَاضِن صفيقات القَمِح والوادى فَرهد بالخريف الشَّرَّ بى قشُه السَمح الفين سلام يا يمه يا شتل المحَنّه الشَّبَّ فى وسط الجروف ويا يابا يالدرع المتين الليهو كم سجدت سيوف ويا جده يا اْم صوتاً حَنِين حجواتها بالوادى بتَطوف ويا سمحه يا شمس الفريق الليها كم غَنَّت حروف فى الغربة يا اهلى الحُنان كم عِشنَا فى قَسوة ظروف أشواقنا لى أرض الوطن ولى خُضْرة الوادى العطوف خلتنا كم ساقنا الخيال طار بينا لى دار الولوف والفرحة غَنّت صَفَّقَت والشوق حَضَن شتل الجروف #اغنيات #سودانية #السودان