નવસારીમાં ખીલશે વિકાસનું ફૂલ, લુન્સીકુઈ મેદાનમાં શહેરના ઇતિહાસનો પ્રથમ ભવ્ય ફ્લાવર શો યોજાશે скачать в хорошем качестве

નવસારીમાં ખીલશે વિકાસનું ફૂલ, લુન્સીકુઈ મેદાનમાં શહેરના ઇતિહાસનો પ્રથમ ભવ્ય ફ્લાવર શો યોજાશે

#FlowerShow #Flower #Show #India #Navsari #Gujarat #Municipality #Cooperation #Commissioner #Rose #Jalbera #Galgota #Orchid #Cultural #Historical #Artifacts #Sardar #Gandhi #Mahatma #MP #MPBhawan #Wadh #Singh #Flowers #Citizen #Free #News #Videos #City #City #People નવસારીના ઇતિહાસમાં પ્રથમ વખત નવસારી મહાનગરપાલિકા દ્વારા ભવ્ય ફ્લાવર શોનું આયોજન કરવામાં આવ્યું છે. વર્ષ 2025-26ને ‘શહેરી વિકાસ વર્ષ’ તરીકે ઉજવવાના ભાગરૂપે લુન્સીકુઈ મેદાનમાં યોજાનાર આ ફ્લાવર શો પ્રકૃતિ અને કલાના અદભુત સંગમરૂપ બનશે. અમદાવાદના પ્રખ્યાત ફ્લાવર શોની તર્જ પર નવસારી શહેરમાં ભવ્ય ફલાવર શો યોજાશે જેને લઈને તૈયારીઓ યુદ્ધના ધોરણે ચાલી રહી છે. ગુજરાત સરકારના ‘વિકસિત ગુજરાત’ અને ‘વિકસિત નગરો’ના વિઝનને સાકાર કરવા માટે નવસારી મહાનગરપાલિકા દ્વારા આ ફ્લાવર શોનું આયોજન કરવામાં આવ્યું છે. રાજ્ય સરકારની શહેરી ઉજવણી યોજના અંતર્ગત આ આયોજન નવસારી માટે નવી ઓળખ અને ગૌરવ બની રહેશે. નવસારી મહાનગરપાલિકા કમિશનર શ્રી દેવ ચૌધરીએ માહિતી આપતા જણાવ્યું હતું કે, નવસારી શહેરમાં આ વર્ષે નાના સ્વરૂપે પરંતુ ભવ્યતા સાથે ફ્લાવર શો યોજવામાં આવી રહ્યો છે. આ ફ્લાવર શો આગામી 24 જાન્યુઆરીથી 30 જાન્યુઆરી સુધી લુન્સીકુઈ મેદાનમાં યોજાશે અને નાગરિકો માટે વિના મૂલ્યે ખુલ્લો રાખવામાં આવશે. આ ફ્લાવર શોમાં ભારતીય સંસ્કૃતિ અને ઇતિહાસને ઉજાગર કરતી આશરે 20 જેટલી ભવ્ય સ્ટેચ્યુઓ તૈયાર કરવામાં આવશે. આ ફ્લાવર શોમાં ફૂલોથી બનેલું સ્ટેચ્યુ ઓફ યુનિટી અને નવા સંસદ ભવનનું મોડેલ, નવસારીના ગૌરવ જમશેદજી ટાટા તથા મહાત્મા ગાંધીની વિશાળ પુષ્પકૃતિઓ વિશેષ આકર્ષણ બનશે. આ ઉપરાંત વાઘ, સિંહ, પતંગિયા, ક્લોક ટાવર જેવી મનમોહક પ્રતિકૃતિઓ પણ દર્શકોને આકર્ષશે. ફ્લાવર શોમાં 25થી વધુ જાતિના ફૂલો સાથે આશરે 1.50 લાખ જેટલા રોપાઓનો ઉપયોગ કરવામાં આવશે. ગુલાબ, ગલગોટા, ઓર્કિડ સહિત અનેક રંગબેરંગી અને દુર્લભ પ્રજાતિના ફૂલોનું મનોહર પ્રદર્શન કરવામાં આવશે, જે પ્રકૃતિપ્રેમીઓ અને ફોટોગ્રાફીના શોખીનો માટે વિશેષ આકર્ષણરૂપ બનશે. નવસારી મહાનગરપાલિકા બન્યા બાદ શહેરમાં થયેલા વિકાસકાર્યોની શ્રેણીમાં આ ફ્લાવર શો એક મહત્વપૂર્ણ ઉમેરો ગણાશે. મહોત્સવમાં પ્રવેશ નિઃશુલ્ક રાખવામાં આવતા શહેરના દરેક વર્ગના નાગરિકો આ નયનરમ્ય દ્રશ્યોનો આનંદ માણી શકશે. આ આયોજનથી નવસારીના પર્યટન, સંસ્કૃતિ અને શહેરની ઓળખને નવી ઊંચાઈ મળશે. પરિવાર, યુવાનો અને બાળકો માટે આ ફ્લાવર શો એક યાદગાર અનુભવ બનશે, જ્યાં ફૂલો માત્ર સુગંધ નહીં પરંતુ નવસારીનું ગૌરવ અને વિકાસની કહાની કહેશે.