"මාත්‍රා" පූර්විකාව | 𝐓𝐡𝐞 𝐏𝐫𝐞𝐥𝐮𝐝𝐞 𝐨𝐟 𝐌𝐚𝐚𝐭𝐡𝐫𝐚! скачать в хорошем качестве

"මාත්‍රා" පූර්විකාව | 𝐓𝐡𝐞 𝐏𝐫𝐞𝐥𝐮𝐝𝐞 𝐨𝐟 𝐌𝐚𝐚𝐭𝐡𝐫𝐚!

ස්ත්‍රීත්වයේ විවිධත්වය සංස්කෘතිමය නර්තන රිද්මයට එක් කරමින් "මාත්‍රා" ඔක්තෝබර් 11 කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී. නව යොවුන් ප්‍රාසංගික ශිල්පීන් 750 කට ආසන්න පිරිසකගේ නිර්මාණ දායකත්වයෙන් හැඩගැන්වෙමින්, ලයිසියම් ජාත්‍යන්තර පාසල් සමූහය ඉදිරිපත් කරන "මාත්‍රා" නර්තන ප්‍රසංගයේ 14 වන දිගහැරුම එළැඹෙන ඔක්තෝබර් 11, ප.ව 4.02ට සහ 6.58 ට කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී වේදිකා ගත වේ. ගෝලීය පුරවැසියන් බිහි කිරීමේදී ජාත්‍යන්තර පාසල් තුළ දේශීයත්වය හා ශ්‍රී ලාංකේය උරුමයන් පිළිබඳ නව ප්‍රවේශයක් ලබා දීම අරමුණු කර ගනිමින් ලයිසියම් ජාත්‍යන්තර පාසල් සමූහයේ නිර්මාතෘ ආචාර්ය මොහාන් ලාල් ග්‍රේරු මහතාගේ සංකල්පයකට අනුව සෞන්දර්ය කලා විශ්වවිද්‍යාලයේ ජේෂ්ඨ කතිකාචාර්‍ය රසික කොතලාවල මහතාගේ නිර්මාණ උපදේශකත්වයෙන් 2008 වසරේදී "මාත්‍රා" පළමු වරට වේදිකා ගත විය. මෙම කාල පරිජේදය තුළ මේ වන විට මෙරට පාසල් වංශකතාවේ දැවැන්තම ප්‍රාසංගික අත්දැකීම බවට "මාත්‍රා" ගෙන ඒමට ලයිසියම් පාසල් කළමනාකාරීත්වය සමත්ව තිබේ. මෙවර "මාත්‍රා" ප්‍රසංගය සුවිශේෂී වන්නේ, මෙතෙක් ආ ගමන් මග වෙනස් කරමින් එක් තේමාවක් එනම් කාන්තාව කිනම් ආකාරයට සමාජය තුළ හැසිරෙන්නේද යන්න තේමා කරගනිමින්, නවතම ගී පද හා තනු ඔස්සේ නිර්මාණ එක් කිරීමට ගත් උත්සාහය හේතුවෙනි. ලයිසියම් ජාත්‍යන්තර පාසල් සමූහයේ සම්බන්ධීකාරන විදුහල්පතිනි (මාර්ගෝපදේශ) ආචාර්‍ය කුමාරි ග්‍රේරු මහත්මිය "මාත්‍රා" මෙහෙහෙයුම් කටයුත්තට ප්‍රධාන දායකත්වය සපයන අතර, ලයිසියම් පාසල් සමූහයේ සංස්කෘතික නර්තන ප්‍රධානී නිශා කොතලාවල මහත්මිය පාසල් නිර්මාණ සඳහා දායකත්වය ලබා දේ. නුගේගොඩ, පාණදුර, වත්තල, ගම්පහ, රත්නපුර, අනුරාධපුර,නුවරඑළිය හා කුරුණෑගල ලයිසියම් පාසල් නියෝජනය කරමින් නව යොවුන් නිර්මාණ ශිල්පීන් 750 කට ආසන්න  පිරිසක්  මෙවර "මාත්‍රා" හැඩ ගන්වයි. මෙරට විදෙස් රාජ්‍යතාන්ත්‍රික නිලධාරීන්, මෙරට ප්‍රවීණ කලා ශිල්පීන්, පාසල් ප්‍රධානී, සමාජ ක්‍රියාකාරීන්, මෙන්ම දෙමාපියන් "මාත්‍රා" ප්‍රසංගය නැරඹීම සඳහා එක්වීමට නියමිතය. "මාත්‍රා" ප්‍රවේශපත්‍ර www.lyceum.lk/maathra වෙබ් අඩවියෙන් ද 0777838877 දුරකථනයෙන් ද වෙන් කර ගත හැකි අතර සීමිත ප්‍රවේශපත්‍ර ප්‍රමාණයක් එදින දොරටුවෙන් ද ලබා ගත හැක. ඇපිට් ශ්‍රී ලංකා ප්‍රධාන අනුග්‍රාහකත්වයත්, ලයිසියම් කැම්පස් රන් අනුග්‍රාහකත්වයත්, එන්.සී.ජී ස්පීඩ් රිදී අනුග්‍රාහකත්වය සහ සම්පත් බැංකුව හා අයි.සී.සී කොහුවල රෙසිඩන්ස් ලෝකඩ අනුග්‍රාහකත්වයත් ලබා දෙමින් මාත්‍රා එළිදැක්වීමට ශක්තියක් වී ඇත. එයට අමතරව, සූස් ටෙක්නොලොජිස් නිල තොරතුරු තාක්ෂණ ආයතනය, විජය පුවත්පත් සමාගම නිල මුද්‍රිත හා වෙබ් මාධ්‍ය ලෙසත්, ඩ්‍රීම් ටීම් මීඩියා නිල වීඩියෝ හා ජායාරූප ශිල්පීන් ලෙසත්, එන්.සී.ජී එක්ස්ප්‍රස් නිල ගමන් සහකරු ලෙසත් කටයුතු කරයි. මෙයට අමතරව සෙලාන් බැංකුව, හෙරකල් හෝල්ඩින්ග්ස්, මැග්නා, එම්.ඊ.පී සොලියුෂන්ස්, නදීකා පේන්ට් සෙන්ටර්, කැන්ඩි මෙගා හාර්ඩ්වෙයාර්, සෙන්ට් ඇන්තනීස් හාඩ්වෙයාර්, හේමැක්ස් කම්පියුටර්ස්, වෙරෝනා ලංකා, ජයලංකා හාඩ්වෙයාර්, නෙල්කෝ ස්ටීල්, ෆ්‍රැන්සි ට්‍රේඩර්ස්, රිලැක්ස් ස්ටීල් ද මෙවර "මාත්‍රා" සඳහා අනුග්‍රාහකත්වයන් දක්වා තිබේ.