شيلة حفل زفاف علي حسين أبورقبه | اداء مهنا العتيبي | كلمات عوض سحمان скачать в хорошем качестве

شيلة حفل زفاف علي حسين أبورقبه | اداء مهنا العتيبي | كلمات عوض سحمان

حنا عتيبه مفحمة قرّح الخيل حنا هل الماقف زحول الرّجالي . الله خلقنا للدهايا غرابيل لا دندنت نرسي رسوّ الجبالي . إلنا على هام المعالي مداهيل اشاوسٍ نهوى صعيب المنالي . المجد لو انه ورا الجدي وسهيل نقدم عليه وبالخطر ما نبالي . منّا هل الحرشا دهاة الرياجيل لاد الزيادي محتمين التوالي . قومٍ ليا اشتدّ الوغى تعدل الميل متونهم تبرك لشيل الثّقالي . يوم الوطاه إلهم على الخيل تبجيل والترك ابادوهم بجرد السلالي . دخيلهم مايشكي الهم والويل سنّو لهم سنّه ولا به جدالي . سنه على شهرين يومٍ بأثر ليل مدّة دخيل الوجه دون الخمالي . مقدمهم اللي يحرق البن والهيل ابورقبه مقدم كرام السبالي . شيخ الشداد اللي يروّي المصاقيل لا جاء لحومات المنايا اجتوالي . امارته معدودةٍ جيل عن جيل بادٍ بها روس الرجوم الطّوالي . ثلاث ميّة عام عدٍ وتفصيل مقيمةٍ على السّعد والعدالي . يامرحبا وعداد مايدرج السيل وعداد ماتخضرّ جرد السّهالي . يامرحبا عدّ الرعد بالمخاييل على الشحم ومبهّرات الدلالي . في حفل شيخٍ له فعول ومحاصيل علي زبون الطّيب ذيب العيالي . حفيد شيخانٍ تحل النشابيل اخوان وضحى كاسبين الجزالي . عبدالله اللي فيه محلا التماثيل ابو ندى شيخ الفخر والكمالي . شيخٍ على ذكره تطيب التعاليل أبورقبه وافي الفعل والخصالي . وحمود ابو نشمي زبون المشاكيل أبورقبه من له تشد الرّحالي . يوم الليالي ممْحله يذبح الحيل ويكرّم اللي شاف ضيم الليالي . من طيب راسه كم كبودٍ مغاليل منه العدو يونس على الكبد صالي . شيخٍ على طيبه شهود ودواليل منصى البعيد وسعد عين الموالي . وعيالهم محزم على الحط والشّيل ندى ونشمي بالشّدايد ظلالي . بانو على روس الطّوال الاقاذيل مردّدينٍ بين عمٍ وخالي . وابو علي له المدايح زرافيل حسين ساس الجود بأوّل وتالي . أبورقبه من عادته يوفي الكيل شامخ على البيدا شموخ الجبالي كلمات : عوض سحمان أداء : مهنا العتيبي