ရွှေပေါက်ကံမြို့သစ်မှာ လူမိုက်အဖွဲ့နဲ့ဖြစ်ပွားတဲ့ရန်ပွဲကိုဖြန်ဖြေတဲ့ရဲနှစ်ဦးသေဆုံး | People's Spring скачать в хорошем качестве

ရွှေပေါက်ကံမြို့သစ်မှာ လူမိုက်အဖွဲ့နဲ့ဖြစ်ပွားတဲ့ရန်ပွဲကိုဖြန်ဖြေတဲ့ရဲနှစ်ဦးသေဆုံး | People's Spring

ရွှေပေါက်ကံမြို့သစ် မှာ နယ်ခံလူမိုက်အဖွဲ့နဲ့ ဖြစ်ပွားတဲ့ရန်ပွဲကို ဖြန်ဖြေတဲ့ ရဲ နှစ်ဦးသေဆုံး   မတ်-၁၁၊၂၀၂၆/Peoples Spring ရန်ကုန်တိုင်း ၊ မြောက်ဉက္ကလာပမြို့နယ် ၊ရွှေပေါက်ကံမြို့သစ် မှာ မတ်လ ၉ ရက်ညပိုင်းက နယ်ခံလူမိုက်အဖွဲ့နဲ့ စစစ အရာရှိ ရဲ့ ညီဖြစ်သူတို့ ကြား အချင်းများတဲ့ရန်ပွဲမှာ ဝင်ရောက်ဖျန်ဖြေတဲ့ ရဲ နှစ်ဦး သေဆုံးသွားတယ်လို့ ရပ်ကွက်နေသူအချို့က ပြောပါတယ်။ အဲဲဒီဖြစ်စဉ်ဟာ မတ်လ ၉ ရက် ၊ ည ၁၀ နာရီဝန်းကျင်က ရွှေပေါက်ကံမြို့သစ် ၊ ၁၂ ရပ်ကွက် ၊ ပုဂံလမ်းမကြီး ရဲ့ ၁၂ စျေးထိပ်မှာ ဖြစ်ပွားခဲ့တာပါ။ နယ်ခံလူမိုက် အောင်လေး အဖွဲ့နဲ့ မြတ်ကိုကိုဆိုတဲ့ အမျိုးသား တို့ကြား ရန်ဖြစ်ကြတာပါ။ အဲဒီရန်ပွဲသတင်းကိုကြားတဲ့ ရဲ လေးဦးက ဆိုင်ကယ်တွေနဲ့ သွားရောက်ခဲ့ပြီး ရန်ပွဲ နေရာအရောက်မှာ မြတ်ကိုကိုက ဖြေရှင်းပေးဖို့ ရဲတွေကို တောင်းဆိုပါတယ်။ အဲဒီအချိန်မှာပဲ ကားနဲ့ ရောက်လာတဲ့ မြတ်ကိုကိုရဲ့ ဖခင်နဲ့ ညီဖြစ်သူ စသုံးလုံး တပ်ဖွဲ့ ရဲ့ ဒုတိယစုံစမ်းရေးမှုးတို့က ရဲတွေကိုတုတ် နဲ့ဝင်ရိုက်တာလို့ ရပ်ကွက်နေသူက ဆိုပါတယ်။ အဲဒီနောက်မှာတော့ ရဲတွေက ရန်ပွဲကို ဖြန်ဖြေပေးပြီး အမှုဖွင့်ဖို့ အတွက် ထွက်သွားချိန်မှာ မြတ်ကိုကိုက ရဲလေးဦးကို ကားနဲ့ ဝင်တိုက်ပြီး လဲကျသွားတဲ့ရဲတွေကိုတော့ မြတ်ကိုကိုရဲ့ဖခင်နဲ့ ညီဖြစ်သူတို့က တုတ်တွေနဲ့ ရိုက်နှက်တယ်လို့သိရပါတယ်။ အဲ့ဒီဖြစ်စဉ်အတွင်း ရဲနှစ်ဦးသေဆုံးပြီး နှစ်ဦးဒဏ်ရာရတယ်လို့ ဆိုပါတယ်။ မြတ်ကိုကိုနဲ့ ရန်ဖြစ်တဲ့ ရွှေပေါက်ကံ လူမိုက် အောင်လေးရဲ့ အဖွဲ့ထဲက တချို့ကို ရွှေပေါက်ကံရဲစခန်းအချုပ်ထဲမှာ ထည့်ထားတယ်လို့ရပ်ကွက်နေသူတစ်ဦးက ဆိုပါတယ်။ ရွှေပေါက်ကံလူမိုက် အောင်လေးဟာ ပုဂံလမ်းမကြီးပေါ် ဆင်ဖုံကွေ့မှတ်တိုင်အနီးမှာ "တိုးပွား"နာမည်နဲ့ဘိလိယက်ခုံ ဖွင့်ထားပါတယ်။ သူဟာ ရွှေပေါက်ကံမြို့သစ်မှာ နာမည်ဆိုးနဲ့ကျော်ကြားတယ်လို့ ရပ်ကွက်နေသူတွေထံကသိရပါတယ်။  အမှုဖြစ်စဥ်နဲ့ပတ်သက်ပြီး အသေးစိတ်သိရဖို့ မြောက်ဥက္ကလာပမြို့နယ်ရဲစခန်းနဲ့ ရွှေပေါက်ကံရဲစခန်းကို ငါးကြိမ်ထက်မနည်း People's Spring ကဆက်သွယ်ခဲ့ပေမယ့် ဖုန်း လက်ခံဖြေကြားတာ မရှိပါဘူး။ စစ်တပ်ဝါဒဖြန့် တ​ယ်လီဂရမ်ချန်န​ယ်တွေမှာတော့ မြတ်ကိုကို ၊ သူရဲ့ ဖခင်နဲ့ ညီဖြစ်သူ အထူးစုံစမ်းစစ်ဆေးရေးအဖွဲ့ (စစစ) အရာရှိတို့ကို ကိုလည်းဖမ်းဆီးထားတယ်လို့ စစ်တပ်ဝါဒဖြန့်တယ်လီဂရမ်အချို့မှာတော့ဖော်ပြပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA