Tv Klan - PS depoziton ndryshimet në kodin e proçedurës penale скачать в хорошем качестве

Tv Klan - PS depoziton ndryshimet në kodin e proçedurës penale

Me firmën e kryeministrit Edi Rama, Ulsi Manjës dhe Taulant Ballës, socialistët dorëzuan në Kuvend draftin me ndryshimet ligjore që synon të mos lejojë gjykatat të pezullojnë nga detyra ministrat apo drejtuesit që mbajnë poste kushtetuese. Dokumenti u prezantua nga kryetari i Komisionit të Ligjeve në mbledhjen e grupit parlamentar të socialistëve dhe parashikon që në nenin 242 të Kodit të Procedurës Penale, i cili aktualisht nuk lejon pezullimin nga detyra vetëm të deputetit dhe kryebashkiakut, të shtohen edhe 7 subjekte të reja. “Ne propozojmë që në pikën 2 të shtohet rrethi i subjekteve që nuk mund të jepet si masë pezullimi nga detyra: shtohet presidenti, Avokati i Popullit, kryeministri, zv/kryeministri, ministrat, anëtarët e GJK dhe kryetari i KLSH”, tha Manja. Ndonëse nga juristët e maxhorancës ky ndryshim u argumentua si plotësim i një boshllëku ligjor, Kryeministri Rama tha se përmes tij nuk cenohet aspak pavarësia e gjyqësorit, por përcaktohen kufijtë e ndërhyrjes së pushtetit gjyqësor në territorin e ekzekutivit. “Boshllëku është në trutë e atyre që e dhanë drejtimin, bazuar në frymën e Kushtetutës dhe në modelin demokratik të ndarjes së pushteteve, jo në të gjithë Europën, por në të gjithë planetin. Nuk është e nevojshme që çdo gjë të jetë e shkruar me germë ligjore, nëse në frymën e Kushtetutës janë të qarta orientimet për të gjithë ata që jetojnë nën atë Kushtetutë. Ajo që e bën skandaloz, të pajustifikueshëm dhe të papranueshëm pezullimin nga një prokuror ose gjykatës në një seancë paraprake pa nisur gjyqi për një anëtar të kabinetit qeveritar, është fakti se pezullimi nuk cenon personin, i cili prezumohet të jetë në proces hetimi. Pezullimi cenon funksionin”, u shpreh Rama. Ai theksoi prerazi se me këto ndryshime ligjore nuk cënohet aspak pavarësia e gjyqësorit, por synohet vendosja e një kufiri mes pushteteve për funksionimin e shtetit demokratik. “Vendosja e këtij kufiri është e rëndësishme për të përcaktuar edhe një ndarje tjetër, që e vërej me keqardhje. Po pse vetëm pushteti gjyqësor është i pavarur? Kushtetuta thotë se janë tre pushtete të pavarur, që do të thotë përveç gjyqësorit është edhe legjislativi dhe ekzekutivi. Për çfarë jemi të pavarur ne në raport me gjyqësorin?! Dhe ku gjyqësori nuk duhet ta imagjinojë se mund të hyjë në territorin tonë. Vendimet tona janë sovrane dhe nuk ka prokuror dhe gjykatës që t’i vënë në diskutim”, tha Rama. Nga të vetët, kryeministri kërkoi që këto ndryshime të mos lidhen me çështjen “Balluku”, ku për herë të parë konfirmoi se zëvendëskryeministria ia kishte dorëzuar tre herë dorëheqjen nga detyrat që i kishte ngarkuar. “I kam atje në dosje, tri herë: një herë kur iu ngrit akuza, hera e dytë kur iu bë pezullimi i parë dhe herën e tretë pasi Gjykata Kushtetuese nuk mori vendim, dhe tri herë e kam refuzuar unë dorëheqjen. Dorëheqje nën presionin e një fuqie që ka dalë nga territori i vet dhe është futur në territorin e pavarësisë së pushtetit ekzekutiv, nuk ka! I jam falënderues për faktin që nuk ka persistuar, por ka vazhduar ta marrë gjithë atë baltë mbi fytyrë, sepse unë nuk e pranoj deri kur të plotësohen kushtet, dhe kur plotësohen kushtet nuk e përcakton dot as prokurori, as gjykatësi i seancës paraprake, as media dhe as gjyqi popullor,” tha Rama. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/