Атырауда көпқабатты тұрғын үйлердің бірінен 38 жастағы азаматтың өлі денесі табылды скачать в хорошем качестве

Атырауда көпқабатты тұрғын үйлердің бірінен 38 жастағы азаматтың өлі денесі табылды

Атырауда көпқабатты тұрғын үйлердің бірінен 38 жастағы азаматтың өлі денесі табылды. Көршілердің айтуынша, мәйіт пәтердің ішінде үш апта бойы жатып қалған. Соның кесірінен бес қабатты баспанаға жағымсыз иіс таралып, жұрттың тынысы тарылған. Олар дезинфекция жұмыстарын жүргізбесе вирус жұқтырып, аурушаң боламыз деп қорқады. Марқұм жайында қандай ақпарат бар? Қайғылы оқиғаның жай-жапсарын әріптесім Жұлдыз Тілеухан білген еді. Олеся Енинаның өзегін өкініш өртейді. Себебі, әйел хабар-ошарсыз кеткен туған інісіне іздеу салмаған. Тек тұрғындардың шуынан кейін бауырының пәтеріне келіпті. Көргенінен көзіне жас келген. ОЛЕСЯ ЕНИНА, марқұмның туысы: Таңға уақытта келдім. Есікті қағып ұзақ тұрдым. Ешкім ашпады. Иіс деген сұмдық шығып тұр екен. Полиция қызметкерлерін шақырттым. Пәтердің ішінде інім сұлық жатыр екен. Денесінде зорлық-зомбылықтың белгісі жоқ. Қан қысымы көтеріліп, қайтыс болған деп ойлаймын. Ауырып жүргенін талай мәрте айтқан еді. Мән бермегенбіз. 38 жастағы азамат үшінші топтағы мүгедек. Бір аяғын сылтып басып, балдақпен жүрген екен. Үйленбеген. Үйде жалғыз өзі тұрған дейді туыстары. Көршілер пәтерден өткір иіс үш аптадай шығып тұрғанын айтады. Жұрттың пайымдауынша, мәйіт ұзақ уақыт бойы жатып қалған. ЖҰЛДЫЗ ТІЛЕУХАН, тілші: Тұрғындар жағымсыз иіс бүкіл үйге таралып кеткенін айтады. Олар қолқаны қабатын қолаңса иістен вирус тарай ма деп алаңдап отыр. Сондықтан уақыт созбай дезинфекция жұмыстарын жүргізуді сұрайды. Тұншыққан көпшілік өз күшімен үйдің кіреберісін тазалап көрген. Бірақ мұрынды жаратын иістің кетер түрі жоқ. Амалы таусылған жұрт жауапты мекемелер келіп, арнайы сұйықтық шашпаса жағдай қиындайды деп отыр. ҰЗАҚҚАЛИ АЮПОВ, марқұмның көршісі: Өзі жиі жоғалып кетіп тұратын. 1-2 күн көрінеді жұмыс барысында жүреді өзі. Жалғыз тұрған соң біздер көңіл аудара бермейміз. 22 күні соңғы рет үйіне кірген. Содан шықпады. Есік ашылған соң қатты иіс шықты. Лифтімен алып кетті ғой, енді іші ужас сасық. Подьезд іші невозможно сасық. Өзіміз тұрғындар болып адам жалдадық. ДИНА МАКСОТОВА, Атырау облысы полиция департаменті ақпараттық саясат бөлімінің аға инспекторы: Сот медициналық сараптамасы тағайындалды. Қазіргі уақытта кешенді тергеу амалдары басталды. Қайғылы оқиғаның мән-жайын анықтап жатырмыз. Көпшілік дабыл қағып, шу шығарған соң бес қабатты үйге коммуналдық мекеменің өкілдері келді. Қазір олар мәйіт табылған пәтердің ішін тазалап, залалсыздандыру жұмыстарына жүргізуге кірісті. #Информбюро #31арна #БастыЖаңалықтар #Новости #31канал