#confiture скачать в хорошем качестве

#confiture

معجون التباسة باليمون ، الوصفة ناجح و لاكن عليكم تحضيرها بكل عناية و متابعة الفيديو بالتدقيق لأنه قصير نوعا ما ، النقاط المهمة للنجاح المعجون هي بعد ما ترحيو القارص و تزيدولو السكر طيبوه في طنجرة خشينة وقعدو تحركو حتى يشرب و يولي عاقد يعني كي اديرو خط في قع الطنجرة بالمغرفة المعجون مايوليش بيفيه المكانو يعني الخط إلي درتوه ما يتغطاش بيفيه (إن شاء تكون فهمتوني) المرحلة الثانية :فرغو المعجون هڨداك سخون في سنيوة أو قالب خليه حتى ينشف. يقدر ينشف في نهارو كيما يقدر ياخد يومين أو أكثر هنا على حساب الطياب إلي درتوه لأنو إذا ما عقدش في طيابو من المأكد ما ينشفش -إذا مانشفش المعجون تقدرو تعاودو اطيبوه لأنو تقدر تصرا لأي واحد لهادا قلتلكم في الفيديو جربوه بحبة أو تنين من الليمون شي آخر باش تضمنو نجاح الوصفة يعني تلفتلكم أو عييتو من التحتراك تع المعجون سلكو بالجيلاتين في أحد الفيديوات القادمة نعاودهلكم بالبرتقال و پالتفصيل الممل حتى تنجحو في الوصفة بالتوفيق