Ўзбекистон Республикаси Халқ артисти Хайрулла Лутфуллаев билан бир кун скачать в хорошем качестве

Ўзбекистон Республикаси Халқ артисти Хайрулла Лутфуллаев билан бир кун

ЛУТФУЛЛАЕВ Хайрулла (1945.25.10, Тошкент) — хонанда ва созанда (қашқар рубоби, тор), Ўзбекистон (1987) ва Қорақалпоғистон (1993) халқ артисти . Тошкент консерваториясини тугатган (1974). «Баҳор» ансамбли яккахон хонандаси (1974—2003), Тошкент маданият инти доценти (2003 й. дан). Лутфуллаев лирик хонанда, майин ва ширали овоз соҳиби. Репертуаридан қўшиқ ва яллалар («Мен севаман, сен севасанму», «Дилхирож», «Тола соч» ва б.), ўзбек ашула ва мақом йўллари («Баёт I—V», «Гиря I—II», «Фарғона танавори» ва б.), ўзбек бастакорлари асарлари («Бебоқча», «Самарқанд ушшоғи» ва б.) ўрин олган. «Келибдию-кетибди», «Ишонаман ўзингга», «Гўзал жонон сенмасму» каби қўшиқларнинг куйларини ўзи басталаган. Хорижий мамлакатларда гастролда бўлган. Лутфуллаевнинг ўғли Нодир Лутфуллаев — за-монавий эстрада қўшиқчиси, репертуаридан замонавий эстрада қўшиқлари, ўзбек халқ қўшиқлари ва мумтоз ашулалар ўрин олган. Хайрулла Лутфуллаевнинг 300 га яқин қўшиқлари Ўзбекистон миллий телерадиокомпанияси фондидан жой олган, шунингдек, бугунги кунга қадар телеканаллар орқали концерт дастурлари намойиш этиб келинаяпти. Устоз санъаткор сўнгги 20 йилга яқин вақт давомида ижод қилиш билан бир қаторда қўшиқчилик санъатимизга меҳр қўйган ёш авлодга устоз-шогирд анъаналари асосида санъат сирларини ўргатиб келмоқда. Соҳада илмий фаолият билан ҳам шуғулланиб, бир қатор китоблар ёзиб, фаолият йўналишларини тадқиқ этиб, доцент, профессор унвонларига сазовор бўлган, Ўзбекистон давлат санъат ва маданият институтининг “Миллий қўшиқчилик” кафедрасида талабаларга мумтоз лирик қўшиқчилик йўлларидан сабоқ бериб келмоқда. Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг! Манба: Ўзбекистон Миллий Телерадио Компанияси. www.mtrk.uz