Bon Samaritanus скачать в хорошем качестве

Bon Samaritanus

Performance by Djiro One (2021) Producer: ‪Nelisson Araujo‬ Beat: Nelisson Araujo Mix/Master: Nelisson Araujo Production: Diterra Records Letra: Dentu kumunidadi N ka seita irmandadi Samaritanus mo abertu ta oferesi amizadi Inimigus irmon ladu manas na bendi na meio di broda Amor e religion dentu mi ta transborda Undi ki N labanta senpri ta kai pingu N mostra-s fonti ma es ka ten sedi Nha ason e ka di grasa N da bokadu sen bendi N konstrui legadu ku nha lus inton N ka podi paga I es lus ben di grasa inton N ka podi paga Kes ki bu karega na bu kosta, bu frenti labanta-u bu tras pintxa-u na kosta Kes ki bu ta troka segredu ka ta inporta bende-u na prasa Inton abri odju I fitxa boka, silensio na ora di abrasa, ma silensio na ora di abrasa Koru: Na korida kontra tenpu N ka perdi tenpu (tenpu) N ganha tenpu na ser pa tudu tenpu(tenpu) Se-s inveja tenta mata-N ma N kontinua li Es ta mori di inveja, N kontinua li N sabi di undi N ben, N ka sabi undi N sta bai(bai) Pa frenti o pa riba, N ta livita o ki N kai(bai) Djiro lenbra di undi bu ben, skesi di undi bu bai Skesi di undi bu bai,poku ora bo so, txeu tenpu munti kunpanheru Bu sigui valor ma es kunpanha dinheru Bu odja konta ku amigu gosi e moda pobri konta ku pon, ma dja parsi un ka bu spera tres pur dia N pasa fomi ku un pon N dividi-l pa seti dia N buska pon dentu mi ke pa N podi xinti fomi Pamodi pon ki bu ta kumi ka ta farta-N Palavra tanbé ta alimenta-N Amizadi ka ten valor o ke ten presu Ali Praia ka ta dadu nada ali tudu ten presu Ku karu ta roda, dinheru ta kunpra, mundu konsumi, kabesa na tora Kalma, rispira pa dentu, inspira pa fora Odja bu sirku, dje-s po-u na meio pinta-u di paliasu Suri bu fenti ri na bu kosta, bu soris e karu di grasa kes gosta Bo e novu vitma pa mata ses visio, es ta muda di amizadi sima muda di kor Troka di karater sima papel di ator N podi txoma-s di makaku o priguisa Prinda en kada bolsu es konxi munti ramu Bu bebida pa es kumi, bu sigaru un fumu Di noti na prinda di dia e Priguisa Se-s simana ta komesa na bu fin Se-s verdadi e verdadi so na dia di bu fin Koru: Na korida kontra tenpu N ka perdi tenpu (tenpu) N ganha tenpu na ser pa tudu tenpu(tenpu) Se-s inveja tenta mata-N ma N kontinua li Es ta mori di inveja, N kontinua li N sabi di undi N ben, N ka sabi undi N sta bai(bai) Pa frenti o pa riba, N ta livita o ki N kai(bai) Ne-s mundu kapital, kapital e status Bendi bu korason I resebi status Bo e julgadu pa ropa ma pekadu ka ta bistiu Kunpra luxu bendi korpu na final ta sirbiu 7 po riba dama d’oru pa paga konta Kada kenha ku se krus, bu skesi maior konta foi pagadu la na krus Nada nu ka debi ma nu debi paga tudu pa sigui verdadi Malditu omi ki ta konfia na omi, puri su konxi verdadi N ta rikuza konprimenta ke-s mozada kunpradu So se-s ben di kapital checka republika sen Pradu Puri su, bu ta sigui nha spasu I non nhas pasu N ka inporta numeru ki sigui-N Ma N ta lenbta tudu nomi ki sigui-N Pa frenti o pa riba N ta livita si N kai Pa frenti o pa riba N ta livita si N kai