O' guappo 'nnammurato di Raffaele Viviani, canta Sergio Bruni скачать в хорошем качестве

O' guappo 'nnammurato di Raffaele Viviani, canta Sergio Bruni

'O GUAPPO 'NNAMMURATO Raffaele Viviani Mm'hê 'ncarugnuto cu chist'uocchie belle, mm'hê fatto addeventá nu vile 'e core, n'ommo 'e lignammo: nun só' cchiù Tatore, 'o mastuggiorgio 'e vasci'â Sanitá!... Nun só' cchiù io, mannaggi''a libbertá! Scorz''e fenucchio, tengo nu bruttu pólice 'int''a recchia! Só' bevitore 'e vino e, si mm'arracchio, te scárreco 'a ricanna 'int''o renucchio!... Scorza 'e fenucchio! Mme tratte comme fosse n'ommo 'e paglia: prumiette sempe e nun mantiene maje... Ma nun capisce che, accussí, mme 'nguaje? Nun saje ca, pe' rispetto a ll'omertá, 'sta faccia accussì bella 'aggi''a sfriggiá!? Surzo 'e sciarappo, si arrivo a te piazzá stu miezu scippo, p''o mmerecá, nc'hê 'a mettere pe' coppa... nu palmo e nu ziracchio 'e sparatrappo... Surz''e sciarappo!... Femmene belle sempe na duzzina n'aggio tenute appése a stu cazone. E mo mme stó' strujenno 'e passione pe' te ca nun canusce caritá, chi sa 'sta pelle addó' 'a vaco a pusá!... Fronna 'e carota... Manco 'a paricchie juorne 'a carcerato... però, chi mme ce manna n'ata vota, se fa 'nteresse sempe nu tavuto! Fronnella e arut' Tu 'o ssaje ca i' feto! Si nun te 'nfilo 'o junco n'ata vota, cu 'o curtelluccio mio a máneca 'e cato, te pogne 'a 'panze, 'a nanze, 'a fora e 'a reto! Tu 'o ssaje ca i' feto!