ЯМАР АГЕНТЫГ СОНГОДОГ ВЭ? скачать в хорошем качестве

ЯМАР АГЕНТЫГ СОНГОДОГ ВЭ?

Үл хөдлөх хөрөнгө авах, зарах нь ихэнх хүний хувьд амьдралынх нь хамгийн том санхүүгийн шийдвэрүүдийн нэг байдаг. Ийм чухал үед “ямар агенттай ажиллах вэ?” гэдэг асуулт зайлшгүй урган гарна. Гэхдээ агент сонгохдоо хүмүүс ихэвчлэн гадна харагдах байдалд хэт автдаг. Зарим агент олон зар тавьсан, сошиалд идэвхтэй харагддаг. Гэхдээ энэ нь заавал сайн агент гэсэн үг үү? Эсрэгээрээ, зар сурталчилгаа багатай атлаа ажлаа маш сайн хийдэг агент цөөнгүй байдаг. Тиймээс жинхэнэ шалгуур нь зарын тоо биш, харин тухайн агент ямар үнэ цэнэ бүтээж чаддаг вэ гэдэгт оршдог. Хүмүүс агент сонгохдоо хамгийн түрүүнд: итгэл төрж байна уу, ойлгомжтой, үнэн зөв мэдээлэл өгч байна уу, асуултад чин сэтгэлээсээ хариулж байна уу, эрсдэлийг нуухгүй тайлбарлаж байна уу гэдгийг анзаарах хэрэгтэй. Туршлага гэдэг нь зөвхөн олон жил ажилласан хугацаа биш, харин ямар зарчимтай, яаж ажилладаг вэ гэдгээр хэмжигдэнэ. Сайн агент бол: худалдан авагч, худалдагч хоёрын аль алинд нь бодит мэдээлэл өгдөг, түргэн зарахын төлөө эрсдэлийг нуудаггүй, харилцагчийнхаа эрх ашгийг урт хугацаанд хардаг, ёс зүйтэй, хариуцлагатай ажилладаг хүн юм. Миний энэ видеог хийх зорилго бол хэн нэгнийг шүүмжлэх биш. Харин зах зээл дээр оролцож буй хүмүүс илүү ухамсартай сонголт хийхэд нь туслах явдал. Мөн агентууд өөрсдөө “би харилцагчдаа яг ямар үнэ цэнэ өгч байна вэ?” гэдгээ бодож үзээсэй гэж хүссэн. Эцэст нь хэлэхэд, сайн агент гэдэг бол зүгээр нэг зуучлагч биш. Тэр бол итгэл дээр суурилсан мэргэжилтэн юм. Харин итгэл бол зар сурталчилгаагаар биш, бодит ажил, хандлагаар бий болдог. Хэрвээ та ийм төрлийн бодит, хэрэгтэй агуулга сонирхдог бол видеог үзэж, санал бодлоо сэтгэгдэл хэсэгт хуваалцаарай.