Мэр IV Элдик Курултайдын делегаттары менен инфраструктуралык объектилерди кыдырды скачать в хорошем качестве

Мэр IV Элдик Курултайдын делегаттары менен инфраструктуралык объектилерди кыдырды

Бүгүн, 2025-жылдын 17-декабрында, Бишкек шаарынын мэри Айбек Джунушалиев IV Элдик Курултайдын делегаттары менен борбор калаадагы негизги инфраструктуралык объектилерди кыдырды. Алгачкы объект "Жаштык" спорт аренасы болду. Делегаттарга имараттын инфраструктурасы, анын ичинде турникет системасы, фудкорт жана башкалар көрсөтүлдү. Катышуучулар аренанын функционалдуулугу жана спорттук жана массалык иш-чараларды өткөрүү үчүн түзүлгөн шарттар менен тааныштырылды. Андан кийин делегация №2 автобазага барышты. Бул жерде шаардык коомдук транспорттун жаңыланган инфраструктурасы тааныштырылып, электробустар, ошондой эле депонун аймагы көрсөтүлдү. Делегаттар Алга стадионунда да болушту. Аларга курулуш иштеринин жыйынтыктары көрсөтүлдү. Мэр имаратты курууда сапаттуу жумушка жана заманбап стандарттарга жооп берген архитектуралык жана эстетикалык көрүнүшкө артыкчылык берилгенин белгиледи. Андан кийин калдыктарды кайра иштетүүчү заводго баруу менен аяктады. Делегаттарга мекеменин өндүрүштүк жайлары көрсөтүлүп, катуу тиричилик калдыктарды чогултуу, сорттоо жана башкаруу процесстери менен таанышышты. Кыдыруунун соңунда суроо-жооп сессиясы өткөрүлүп, анын жүрүшүндө IV Элдик Курултайдын делегаттары турак жай жана коммуналдык кызматтар, транспорт, жер мунапысы, 2050-жылга чейин Бишкектин башкы планынын долбоору жана башка темалар боюнча түшүндүрмөлөрдү алышты.