Data Stories- 9 shkurt 2006 - Masakra e Kozares, dëshmi e sistemit të kalbur të drejtësisë скачать в хорошем качестве

Data Stories- 9 shkurt 2006 - Masakra e Kozares, dëshmi e sistemit të kalbur të drejtësisë

Më 9 shkurt 2006, në fshatin Kozare të Kuçovës, u konsumua një ngjarje me përmasat e një masakre. Një familje e tërë, babai, nëna shtatzënë dhe djali i tyre 3 vjeçar, u ekzekutuan natën në rrethana që ende kanë mbetur misterioze. Për më tepër edhe hetimi nuk argumentoi me prova të padiskutueshme vendimin për arrestimin e autorit. Sipas policisë së Beratit, në orët e mbrëmjes së datës 9 shkurt 2006, një i panjohur kishte thyer derën hyrëse të shtëpisë së Shpëtim Marajt, duke hapur zjarr me një kallashnikov ndaj të gjithë pjesëtarëve të familjes. Fillimisht plumbat ishin drejtuar mbi kryefamiljarin, Shpëtim Mara dhe djalin 3 vjeçar të çiftit, të cilët ishin të ulur në divan dhe më tej edhe mbi bashkëshorten e tij shtatzënë, Florije Mara. Plumbat ishin lëshuar pa kursim, duke shkaktuar vdekje të menjëhershme. Banesa ku ndodhi ngjarja ishte pranë banesave të të vëllait të viktimës Ilirit dhe të atit të tyre, por, mbase për shkak të një furtune që kishte nisur, askush nuk i dëgjoi të shtënat. Hetimet në vendngjarje, nuk dhanë ndonjë provë të vlefshme. Arma e krimit mungonte. U gjet vetëm një gjurmë këpuce, për të cilën kriminalistika tha se mund të ishte me numrin 41 dhe e veshur nga një person i cili nuk ishte më shumë se 170 centimetër i gjatë. Policia e Beratit, që hetoi ngjarjen, fillimisht dyshoi te disa personazhe që kishin konflikte me të zotin e shtëpisë. Vetë familjarët e viktimave tregonin me gisht një farefis të tyre, me të cilin kishin pasur grindje për shkak të një fejese të prishur, por hetimet nuk japin ndonjë rezultat. Më pas, hetimi përqendrohet në dyshimet për një krim brenda familjes. Viktima Shpëtim Mara ishte emigrant, i cili shumicën e kohës e kalonte duke punuar në Greqi. Sa herë që largohej për në shtetin fqinj, Shpëtimi ja linte amanet familjen Luanit - njërit prej dy vëllezërve. Luani pranonte të ndihmonte bashkëshorten e Shpëtimit dhe djalin e tyre 3 vjeçar që të përballonin jetën në mungesë të të zotit të shtëpisë. Të bënte ca punë që gruaja e të vëllait nuk ishte e zonja ti përmbushte, punë që kërkonin asistencën e një mashkulli, nisur nga kujdesi që nënë e bir të mos frikësoheshin nga vetmia në banesë. Më tej, mbështetur në hipoteza, hetuesit supozuan për një flirt të mundshëm mes Luan Marës dhe bashkëshortes së të vëllait. Një flirt që mund të kishte sjellë si pasojë shtatzëninë e saj. Në vijim të imagjinatës, policia i shkon hipotezës se, pas kthimit nga emigrimi, Shpëtimi mund të ketë dyshuar për shtatzëninë e të shoqes dhe mund ta ketë akuzuar për tradhti. Në vijim, sipas së njëjtës hipotezë, këtë mund ta ketë mësuar Luani, i cili në një moment të vështirë psikologjik, me qëllim që të shpëtonte veten, eleminon gjithë familjen, për të mos lënë asnjë dëshmitar. Policia shoqëron dy vëllezërit, Luan dhe Ilir Mara, dhe nis ti marrë në pyetje me seanca të zgjatura duke përdorur dhunë fizike dhe psikologjike. Dikur, vëllai më i vogël, Luan Mara, pranon autorësinë e vrasjeve. Por sërish, veç fjalës së tij të marrë me përdhunë, arma e krimit dhe asnjë provë tjetër nuk u shtua me qëllim që ngjarja të quhet e zbardhur edhe me prova shkencore. Për me keq, edhe ADN-ja e fetusit të gruas shtatzanë rezultoi të ishte e të shoqit – Shpëtimit. #mcntv #mcn #datastories #ferdinanddervishi #histori #ngjarjethistorike #MasakraKozare #KrimPaZbardhur #DosjeKrimi #HistoriaKriminale #KrimFamiljar #VrasjeMisterioze #DrejtësiPaProva #NgjarjeTëErrëta #ArkivaKrimeve #Kozare2006 #KrimiNëShqipëri #HetimiPolicor #RrëfimKrimi #MCNTV