Қызданайдың қырғыны. 2 бөлім. Оқыған: Жұмабек Әлімханұлы. скачать в хорошем качестве

Қызданайдың қырғыны. 2 бөлім. Оқыған: Жұмабек Әлімханұлы.

Халқымыздың өткен тарихы, жүрген жолы үнемі даңғарадай сайрап жатпағаны, кей тұстары бұралаң-бұлтарысқа толы екеніне ешкім дау айта алмасы анық. Бір әттегене-айы – халқымыздың жадында сол дәуірлерден, сонау күндерден еміс-еміс сақталып қалған кейбір жәйттер мен айтулы оқиғаларға қатысушы кейіпкерлердің аты-жөні белгілі болғанымен олардың нақты не істеп, не қойғаны көпшілікке беймәлім болып қала беретіні де жиі кездеседі. Сондай оқиғалардың бірі – барша қазақтың құлағында жүрген, көпшілігі білеміз деп ойлайтын, анығында, бұрынғы өткен заманда сондай бір қақтығыс па, кикілжің бе – бірдеңе болыпты деп естігеннен басқа еш дерегі жоқ «Қызданайдың қырғыны». Қайда болды ол, қай кезде өтті, не өзі – соғыс па, шапқыншылық па, бір елге екіншісі басып кірді ме, басқыншы кім, қорғанушы ше, кім өліп, кімдер аман қалды, Қызданай деген кім – ел қорғаған батыр қыз ба, сұлулығы елден асқан ару ма, әлгі қырғынға қаншалықты қатысы бар, бұ л өзі қайдан шыққан қырғын, неден басталып, немен аяқталды – осы сұрақтарға нақпа-нақ жауап бере алатын адам бұл күндері табыла қоймауы да ғажап емес. Өйткені, ешқандай нақты дерек жоқ, жазба мәлімет кездеспейді, сондықтан тарихшылар мен зерттеушілер қаперге ала бермейді, әйтеуір еліміздің батыс аймағында сондай бір оқиға болыпты деген дақпырт қана бар. Тіптен, сол өңірде туып -өскен адамдардың арасынан да соның анық-қанығын білуші едім деп суырылып шығар көнекөздер мен құймақұлақтар кездесе қоярына күмәндіміз. Оқырман қауымға ұсынғалы отырған кітаптағы «Қыз Данайдың қырғыны» деп аталатын хикаят осы олқылықтың орнын толтыру үшін әдейі жазылған деуге тұрарлық тың дүние. Шығарманың авторы сол оқиға өткен өңірдің түлеп, айтулы ару Қыз Данай мен атақты батыр Төремұрат өмір сүрген, екеуінің махаббаты кейінгіге үлгі болып, арада бір жарым ғасырдан астам уақыт өтсе де әлі күнге дейін ауыздан түспейтін Жылыой өңірінде туып -өскен қаламгер. Сондықтан бұл оқиғаның мән-жайына бала кезінен қанық, кейін де біраз зерттеген, аңыз бен ақиқаттың ара-жігін ашуға тырысқан. Хикаятта Төремұраттың ерлігі мен өрлігіне де, пайымы мен парасатына да көңіліміз толып, Қыз Данайдың ажары мен ақылы, талғамы мен тәліміне тәнті боламыз. Өтен мен Нарынбай секілді халық батырларымен танысып, дәулескер күйші Құрманғазының адами қасиеттеріне сүйсінеміз. Шығармада есімдері аталатын адамдардың бәрі өмірде болған, аты-жөні қағазға түспесе де халықтың санасында сақталып қалған нақты тұлғалар, ұрпақтары әлі де сол өлкеде тұрып жатыр. кызданайдын кыргыны,аудио кітап,аудиокітап,аудиокітаптар қазақша,болған оқиға,болған оқиға желісімен,болған оқиғалар,қазақша қызықты әңгімелер,қазақша әңгіме,қазақша әңгімелер,қазақша әңгімелер жинағы,қызықты әңгімелер,қызықты әңгімелер жинағы,әсерлі әңгіме,әсерлі әңгімелер,әңгімелер жинағы, тарихи әңгімелер, тарихи әңгіме, сізге қызық, сизге кызык #аудиокітап #болғаноқиға #әсерліәңгіме