နိုင်ကျဥ်းအားလုံးလွှတ်​ပေးဖို့ ပြင်သစ်သမ္မတ တောင်းဆို | People's Spring скачать в хорошем качестве

နိုင်ကျဥ်းအားလုံးလွှတ်​ပေးဖို့ ပြင်သစ်သမ္မတ တောင်းဆို | People's Spring

ဒေါ်​အောင်ဆန်းစုကြည်၊ ဦးဝင်းမြင့်နဲ့ နိုင်ကျဥ်းအားလုံးလွှတ်​ပေးဖို့ ပြင်သစ်သမ္မတ တောင်းဆို နိုဝင်ဘာ-၄၊၂၀၂၅။ People's Spring ပြင်သစ်သမ္မတအေမန်နျူယယ်မက်ခရွန်ဟာ နိုင်ငံ​တော်ရဲ့အတိုင်ပင်ခံပုဂ္ဂိုလ်​ဒေါ်​အောင်ဆန်းစုကြည်၊ သမ္မတဦးဝင်းမြင့်နဲ့ စစ်တပ်အာဏာသိမ်းပြီး​နောက်ပိုင်းဖမ်းဆီးခံရတဲ့ နိုင်ငံ​ရေးအကျဥ်းသား​တွေ အားလုံး ခြွင်းချက်မရှိအမြန်ဆုံးလွှတ်​​ပေးဖို့ စာ​ရေးသား​တောင်းဆိုခဲ့ပါတယ်။ ဒါ့အပြင် စစ်တပ်ရဲ့ မတရားဖမ်းဆီးမှုခံ​နေရတဲ့ ​ဒေါ်​အောင်ဆန်းစုကြည်ရဲ့ကျန်းမာ​ရေးအ​ခြေအ​နေယိုယွင်းလာမှု၊ သင့်​လျော်တဲ့ကျန်းမာ​ရေး​စောင့်​ရှောက်မှု ခံယူဖို့ အခက်အခဲကြုံ​နေရတာကို ​​​သားဖြစ်သူ ကိုထိန်လင်းက​ပြောပြလို့ သိရတဲ့အတွက် အလွန်စိုးရိမ်မိတယ်လို့ ပြင်သစ်သမ္မတက စာမှာ​ ရေးထားပါတယ် ။ ပြင်သစ်သမ္မတက နိုင်ငံ​တော်ရဲ့ အတိုင်ပင်ခံပုဂ္ဂိုလ် ဆီကို လိပ်မူပြီး စာ​ရေးသားကာ ပြင်သစ်နိုင်ငံခြားရေးဝန်ကြီးဌာနရဲ့ မြန်မာအတွက် အထူးကိုယ်စားလှယ် မစ္စတာခရစ်စတန်လရှယ်ဗီကတဆင့် ​ဒေါ်အောင်ဆန်းစုကြည်ရဲ့သား ကိုထိန်လင်း (​ခေါ်) ကင်မ်အဲရစ် ထံစာ​ပေးပို့ခဲ့တာဖြစ်ပါတယ်။ ဒီစာဟာ အခုနှစ်ပိုင်းအတွင်းမှာ ကမ္ဘာ့ထိပ်တန်း​ခေါင်း​ဆောင်တဦးက​ ဒေါ်​အောင်ဆန်းစုကြည်ရဲ့ ကျန်းမာ​ရေးနဲ့ ပြန်လွတ်​မြောက်​ရေးအတွက် အ​လေးထား​တောင်းဆိုတဲ့ စာဖြစ်ပါတယ် ။ ပြင်သစ်နိုင်ငံရဲ့ သနားကရုဏာတရား၊ အားပေးမှုနဲ့ မိတ်ဆွေကောင်း ပီသခြင်းတို့အတွက် လှိုက်လှိုက်လှဲလှဲ ခံစားရကြောင်း၊ ဒါဟာ အမှန်တရား၊ ငြိမ်းချမ်းရေးနဲ့ လွတ်မြောက်ရေး တို့ကို နှုတ်ပိတ်ထားလို့ မရဘူးဆိုတာ ကမ္ဘာတဝှမ်းကလူတွေကို အသိပေးလိုက်တဲ့ ခေါင်းဆောင်မှုတစ်ရပ် ဖြစ်ကြောင်း ကိုထိန်းလင်းက​ ရေးထားပါတယ်။ ကိုထိန်လင်းက အသက်ကြီးလာပြီဖြစ်တဲ့ သူ့မေမေဟာ အချုပ်အနှောင်ထဲမှာ ကျန်းမာရေး မကောင်းတော့ကြောင်း၊ သူ့မေမေဟာ နိုင်ငံ့လွတ်လပ်ရေးအတွက် သူ့ဘဝ အသက်တာတစ်လျှောက် ကြိုးစားဆောင်ရွက်ခဲ့သူဖြစ်ကြောင်းနဲ့ သူ့မေမေလွတ်မြောက်ခြင်းဟာ လူ့အခွင့်အရေးနဲ့ လူ့ဂုဏ်သိက္ခာအတွက်သာမက မြန်မာပြည်ရဲ့ လွတ်မြောက်ရေးနဲ့ ငြိမ်းချမ်းရေးအတွက်လည်း အရေးပါဆုံးဖြစ်ကြောင်း ရေးသားထားပါတယ် ။ ပြင်သစ်သမ္မတရဲ့စာထဲမှာ ၂၀၂၀ ​နိုဝင်ဘာ ၈ ရက်​ရွေး​ကောက်ပွဲဟာ လွတ်လပ်ခဲ့သလို ပြင်သစ်အပါအဝင် နိုင်ငံတကာက အသိအမှတ်ပြုကြိုဆိုခဲ့ပါတယ်။ ဒါ​ပေမဲ့ စစ်တပ်ရဲ့ ရက်စက်ကြမ်းကြုတ်​သွေးထွက်သံယိုဖြစ်​စေတဲ့ တုံ့ပြန်မှု​တွေ​ကြောင့် နိုင်ငံနဲ့ ပြည်သူ​တွေအတွက်စိတ်မ​ကောင်းဖွယ်ကာလရှည် အကျပ်အတည်းအတွင်းကျ​ရောက်ခဲ့ပါတယ်။ ဒီအ​ခြေအ​နေက အိမ်နီးချင်းနိုင်ငံ​တွေအ​ပေါ်သက်​ရောက်သလို ပြင်သစ်နိုင်ငံနဲ့ ဆက်ဆံ​ရေးကိုလည်း က​မောက်ကမဖြစ်​စေခဲ့တယ်လို့​ ဖော်ပြထားပါတယ်။ ​​ဒေါ်​အောင်ဆန်းစုကြည်နဲ့ ပြည်သူ​တွေလိုလားတဲ့ဒီမိုက​ရေစီနဲ့ ဖက်ဒရယ် ​မျှော်မှန်းချက်​တွေ၊ တရားဥပ​ဒေစိုးမိုးမှု၊ မြန်မာ-ပြင်သစ် ၂ နိုင်ငံကြား နိုင်ငံ​ရေး၊စီးပွား​ရေး ၊ယဥ်​ကျေးမှုအရ ဆက်ဆံ​ရေး​တွေ​ကောင်းမွန်ဖို့ အပြည့်အဝ​ထောက်ခံအား​ပေးတယ်လို့​ရေးသားထားပါတယ် ။ မြန်မာပြည်သူ​တွေ အသက်အန္တရာယ်နဲ့ကြုံ​တွေ့​နေရချိန်မှာ ပြည်သူ​တွေ နဲ့ ယှဥ်တွဲရပ်တည်သလို အကြမ်းဖက်မှု​တွေ​လျော့ပါးဖို့၊ တရားဝင်နိုင်ငံ​ရေး​ခေါင်းဆာင်​တွေ ​ရေးဆွဲထားတဲ့ ငြိမ်းချမ်း​ရေးလမ်း​ကြောင်းကို​ ထောက်ခံအား​ပေးဖို့ ဆန္ဒရှိတယ်လို့လည်း​ စာမှာဖော်ပြပါတယ်။ ​ဒေါ်​အောင်ဆန်းစုကြည် ကျန်းမာပြီး ပြန်လည်လွတ်​မြောက်ကာ မိသားစုနဲ့ ပြန်​တွေ့ဆုံနိုင်မယ်လို့​မျှော်လင့်တယ်လို့​လည်း​ရေးသားထားပါတယ်။ ​နောက်ဆုံးမှာ မြန်မာပြည်သူ​တွေအားလုံးချမ်းသာသလို ၊ နိုင်ငံကို ငြိမ်းချမ်း​ပြီး ဖွံ့ဖြိုးတိုးတက်တဲ့ နိုင်ငံဖြစ်လာဖို့အခွင့်အလမ်းရရှိ​စေရေး ပံ့ပိုး​ပေးဖို့ အသင့်ပြင်ထားတယ်လို့လည်း ပြင်သစ်သမ္မတ မက်ခရွန်က​ စာ​ရေးသားထားပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴   / subscribe   𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗧𝗲𝗹𝗲𝗴𝗿𝗮𝗺 - https://t.me/peoplespring #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA