ទាយក​ ទាយិកា​ នមស្ការ​ ព.ស​ ២៥៦៧​ គ.ស​ ២០២៤​ ខែ៣ скачать в хорошем качестве

ទាយក​ ទាយិកា​ នមស្ការ​ ព.ស​ ២៥៦៧​ គ.ស​ ២០២៤​ ខែ៣

កំណាព្យបុរាណ ចម្រៀងលួងចិត្ត បទបំពេរ បណ្ដាំអ្នកម្ដាយ -កូនអើយ! ចាំផ្ទៀង ម្តាយចៀងបំពេរ ពាក្យឯកផ្នែកកេរ្តិ៍ ជាមេច្បាប់ផ្ទះ​ ចូរចាំជាក្រឹត្យ ព្រោះត្បិតក្រណាស់ ធម្មតាមេផ្ទះ ប្រះគេងឈ្វេងគិត ។ -កើតមកជាស្រី ទ្រឹស្ដិនៅគំនិត ត្រូវរៀនរិះគិត មើលព្រឹត្តស្វាមី កុំដើរបង់សៀត ឃ្លាតផ្ទះរាត្រី បើមានការអ្វី ប្រាប់ប្តីឱ្យដឹង ។ -ចូលគេងគម្តែង កុំថ្លែងរាងខឹង កុំត្អក់រឹងត្អឹង ក្រញ៉ឹងក្រញ៉ូវ យប់យន់យូរហើយ កូនអើយ! គេងទៅ ព្រោះពេលយប់ជ្រៅ ប្តីនាងបំពេរ ។ -នាងអើយ!ពីថ្ងៃ គ្មានដៃទំនេរ បំរើរត់រេ ដោយគេការយើង នាងគេងកាលណា កុំផ្ងារដៃជើង មួយទៀត កុំទើង គេងទឹមក្បាលប្តី ។ -បើជួនជាពាល់ ប៉ះដល់កេសី ត្រូវមានសម្តី សុំទោសតាមការណ៍ គងឆ្វេងគេងឆ្អៀត ដៃរាងរក្សា កុំឱបឱរា ហត្ថារួបរិត ។ -គ្រឿងស្លៀកដណ្តប់ ហ៊ុំហប់ឱ្យជិត សូម្បីនិម្មិត្ត ឥតឱ្យសង្កា ។ ធ្មេចភ្នែកឱ្យជិត មាត់បិទកុំហា ហើយកុំគេងផ្ងារ នាំបាគេងផង បើនាងប្រះគេង ស្តាំឆ្វេងតែម្តង តែកុំប្រែខ្នង ទល់សងខ្នងប្តី ។ គេងរើបំរះ ចាស់ថាអប្រិយ ឱ្យប្រុសភ្ញាក់ភ័យ ដោយន័យនាងនោះ ។ នាងភ្ញាក់ពីគេង កុំស្ទេងគ្រោកស្ទុះ រលាស់ជជុះ ជ្រុះលើដំណេក ។ បើប្តីមានកាល កុំអាលនាងដេក បំរុងនំចេក ជូនត្រេកកំសាន្ត ។ កុំគេងគងប្តី អប្រិយលើប្រាណ ពាក្យចាស់បុរាណ ថាបានបាបធ្ងន់ នាងគេងឱ្យសុខ បើចុកស្រពន់ ចាំប្តីបន្ទន់ សរសៃឱ្យស្រួល ។ បើប្តីបំពេរ ពៅរេទទួល តែកុំប្រែព្រួល ឱ្យខុសចង្វាក់ ច្បាប់ចាស់បុរាណ ស្តាប់ឱ្យបានជាក់ ពាក្យជ្រៅច្រើនថ្នាក់ ដាក់ក្រឹត្យលើស្រី ។ ពេលចូលដំណេក កុំដេកមុនប្តី ទុកដាក់អ្វី ៗ ក្រោយប្តីលក់ស៊ុន លុះដល់ពេលភ្ញាក់ ត្រូវអ្នកក្រោកមុន រកទឹកឈើស្ទុន ជូនប្តីលាងមុខ ។ រៀបមុងកន្ទេល ខ្នើយភួយដាក់ទុក រួចចេញទៅមុខ បោសតុទូគ្រែ នេះហៅថាច្បាប់ សម្រាប់ស្រីខ្មែរ ក្មេងចេះពីម៉ែ កែកូនឲ្យល្អ ។ ឱ្យកោតខ្លាចប្តី ទោះបីមានក្រ ទើបត្រូវផ្លូវធម៌​ តាមពុទ្ធោវាទ ។ វាយអត្ថបទ ភិក្ខុ សុខ ផ្លូច