ငလျင်ဘေးကူညီလာတဲ့ တရုတ်ကြက်ခြေနီအသင်းယာဉ်တန်းကို စစ်ကောင်စီတပ် ပစ်ခတ် | People's Spring скачать в хорошем качестве

ငလျင်ဘေးကူညီလာတဲ့ တရုတ်ကြက်ခြေနီအသင်းယာဉ်တန်းကို စစ်ကောင်စီတပ် ပစ်ခတ် | People's Spring

ငလျင်ဘေးကူညီလာတဲ့ တရုတ်ကြက်ခြေနီအသင်းယာဉ်တန်းကို စစ်ကောင်စီတပ် ပစ်ခတ် People's Spring ငလျင်ဘေးသင့်ပြည်သူတွေအတွက် ထောက်ပံ့ရေးပစ္စည်းတွေ သယ်ဆောင်လာတဲ့ တရုတ်နိုင်ငံ ကြက်ခြေနီအသင်းယာဉ်တန်းကို စစ်ကောင်စီတပ်က ပစ်ခတ်ခဲ့တယ်လို့ တအာင်းအမျိုးသားလွတ်မြောက်ရေးတပ်မတော်(TNLA)က သတင်းထုတ်ပြန်ပါတယ်။ ဧပြီ ၁ရက်နေ့ ညပိုင်း ၉နာရီခွဲလောက်မှာ တရုတ်နိုင်ငံကြက်ခြေနီအသင်းက မြန်မာငလျင်ဘေးသင့်ပြည်သူတွေအတွက် ထောက်ပံ့ရေးပစ္စည်းတွေ သယ်လာတဲ့ ယာဉ်တန်း(၉)စီးဟာ မန္တလေးမြို့ကို ခရီးဆက်ချိန်နောင်ချိုမြို့နယ် အုမ္မတီးကျေးရွာမှာ စစ်ကောင်စီတပ်က ပစ်ခတ်ခဲ့တာလို့ TNLA ပြောပါတယ်။ အဲဒီယာဉ်တန်းဟာ မန္တလေးမြို့ကို ခရီးဆက်သွားမယ့်အကြောင်း စစ်ကောင်စီဆီ သတင်းပေးပို့ခဲ့ပေမယ့် အခုလိုလမ်းခရီးမှာ ပစ်ခတ်ခံခဲ့ရပြီး နောင်ချိုမြို့ကို ပြန်လှည့်ခဲ့ရတယ်လို့ TNLAက ထုတ်ပြန် အသိပေးထားပါတယ်။ ဒါကြောင့် ယာဉ်တန်းကို ကာကွယ်စောင့်ရှောက်ပေးထားပြီး လိုရာခရီးကို ဆက်လက်ပို့ဆောင်သွားမယ်လို့ TNLA က ထုတ်ပြန်ထားပါတယ်။ စစ်ကောင်စီပြောရေးဆိုခွင့်ရှိသူကတော့ ယာဉ်တန်းကို ပစ်ခတ်တာမရှိဘူးလို့ငြင်းဆိုထားပါတယ်။ အဲဒီယာဉ်တန်းဟာ ကူညီကယ်ဆယ်ရေး အတွက် ကြိုတင်အကြောင်းကြားတာမရှိလို့ နောင်ချိုမြို့နယ် ၊အုမ္မတီးရွာနားမှာ စစ်ဆေးဖို့တားရာမှာ တားဆီးလို့မရတာကြောင့် မိုးပေါ်ထောင်ပြီးသေနတ်ပစ်ဖောက်ခဲ့တာလို့ စစ်ကောင်စီဘက်က တုံ့ပြန်ထားပါတယ်။ တအာင်းတပ်မတော်(TNLA)ပါဝင်တဲ့ မြောက်ပိုင်းညီနောင်မဟာမိတ်(၃)ဖွဲ့ဟာ ငလျင်နောက်ဆက်တွဲ ကယ်ဆယ်ရေးလုပ်ငန်းတွေ အမြန်ဆုံး ထိရောက်စွာ ဆောင်ရွက်နိုင်ဖို့အတွက် တိုက်ပွဲဖြစ်နေတဲ့ နေရာတွေမှာ ထိုးစစ်တွေလုပ်မှာမဟုတ်ဘဲ တစ်လတာ တစ်ဖက်သတ် အပစ်ရပ်ကြောင်း မနေ့ ညနေပိုင်းမှာ ထုတ်ပြန်ထားပါတယ်။ ညီနောင်မဟာမိတ်သုံးဖွဲ့ဟာ ငလျင်နောက်ဆက်တွဲအခြေအနေတွေကို အလေးထား စောင့်ကြည့်ပြီးနောက် ငလျင်ဒဏ်သင့်မြို့တွေမှာ အရေးပေါ် ကူညီကယ်ဆယ်ရေး၊ ရှာဖွေရေးလုပ်ငန်းတွေ လုပ်ဆောင်နေကြတဲ့ ပြည်တွင်း၊ ပြည်ပ ကူညီကယ်ဆယ်ရေးတွေ အဆင်ပြေပြေလုပ်ကိုင်နိုင်စေဖို့နဲ့ ငလျင်ဒဏ်သင့် ပြည်သူတွေအတွက် အရေးတကြီးနဲ့ အရေးပေါ်ချက်ချင်း လိုအပ်နေတဲ့ လူသားချင်းစာနာထောက်ထားမှုဆိုင်ရာလုပ်ငန်းတွေကို အမြန်ဆုံး ထိထိရောက်ရောက်ဆောင်ရွက်နိုင်ဖို့ အထူးလိုလားတယ်လို့ ထုတ်ပြန်ပါတယ်။ ငလျင်ဒဏ်သင့် လူထုကူညီကယ်ဆယ်ရေးအတွက် ယာယီအပစ်ရပ်မယ်လို့ အမျိုးသားညီညွတ်ရေးအစိုးရ NUGနဲ့ တော်လှန်ရေးတပ်တွေက ကြေညာချက်ထုတ်ပြန်ပြီး ကမ်းလှမ်းထားပေမယ့် စစ်ကောင်စီဘက်က လက်မခံဘဲ လုံခြုံရေးအကြောင်းပြပြီး ဆက်လက်တိုက်ခိုက်မယ်လို့ စစ်ခေါင်းဆောင်မင်းအောင်လှိုင်က မနေ့ကပဲ ထုတ်ဖော်ပြောဆိုထားပါတယ်။ #ludunwayoo #လူထုနွေဦး #NewsUpdate 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗜𝗻𝘀𝘁𝗮𝗴𝗿𝗮𝗺 -   / ludunwayoo   𝗧𝗲𝗹𝗲𝗴𝗿𝗮𝗺 - https://t.me/peoplespring